"ერთიანი ნაციონალური მოძრაობა" "გავრილოვის სისხლიან ღამესთან" დაკავშირებით, დროებითი საპარლამენტო, საგამოძიებო კომისიის შექმნას ითხოვს.

როგორც პარტიაში აცხადებენ, აუცილებელია საქმის საპარლამენტო ფორმატით შესწავლა.

„ჩვენ ვხედავთ, რომ როგორც ყოველთვის, დაელოდეთ გამოძიებას არის ხელისუფლების დანაშაულზე ხელის დაფარების მეთოდი. ველოდებით გამოძიებას ამდენი წელია აფგან მუხთარლის გატაცებაზე, მაგრამ როდემდე უნდა ველოდოთ, ან მაჩალიკაშვილის საქმის გამოძიებას ან სხვა დანაშაულების, რომელიც ჩაიდინა ხელისუფლებამ. ამიტომ ბუნებრივია, რომ ამ ხელისუფლების პირობებში ეს დანაშაული არ იქნება გამოძიებული. როგორც სამჯერ სამი არის ცხრა, ისე წავა გახარია" - აღნიშნა გოცირიძემ.