"უნდა გაიმართლონ თავი, როგორ მოხდა, რომ რუსეთის საწინააღმდეგო რეგულაციები მიიღეს" - გიგი წერეთელი რუსი დეპუტატების თავდასხმების სამიზნე გახდა

პოლიტიკა - 12:32, 13 Jul, 2019

1811

რუსული დელეგაციის გიგი წერეთლის წინააღმდეგ. ეუთოს საპარლამენტო ასამბლეის მიერ მიღებული რეზოლუციის გამო, ოპოზიციის ერთ-ერთი ლიდერი და ასამბლეის პრეზიდენტი რუსი დეპუტატების თავდასხმების სამიზნე გახდა.

რუსული დელეგაცია იმდენად გააღიზიანა დოკუმენტის შინაარსმა, რომ ისინი ღიად მოითხოვენ, გიგი წერეთლის რუსეთში ჩასვლას. მათივე მოთხოვნაა, რომ გიგი წერეთელმა რეზოლუციის კონკრეტულ დეტალებზე განმარტებები სწორედ მოსკოვში გააკეთოს.

გიგი წერეთლის თქმით, რუსი დეპუტატები გაღიზიანდნენ დარბაზში, როდესაც მათ ვერ შეაჩერეს რუსეთის საწინააღმდეგო და საქართველოსა და უკრაინის მხარდამჭერი რეზოლუციების მიღება. მისი თქმით, რუსი დეპუტატები ცდილობდნენ ჩაეშალათ სხდომა რაც ვერ მოახერხეს , რადგან სხდომა იყო ლეგიტიმური. მას შემდეგ რაც დეპუტატები მოსკოვში დავრუნდნენ მათი რიტორიკა განსაკუთრებით აგრესიული გახდა გიგი წერეთლის მისამართით.

ეუთოს საპარლამენტო ასამბლეის დეპუტატი კი რუსი დეპუტატების პასუხად აცხადებს, რომ ის მოსკოვში ჩასვლას და განმარტებების გაკეთებას არ აპირებს. გიგი წერეთლის თქმით, ყველა კითხვაზე პასუხი ლუქსემბურგში სხდომაზე მიიღეს.

„ბოლო დღეს შეეცადნენ, ბევრჯერ შეეწყვეტინებინათ ჩემთვის, რაზეც მე, ბუნებრივია, გავეცი პასუხი და შესაბამისად, როგორც სხდომის თავმჯდომარემ, გავაგრძელეთ და გვქონდა, პრაქტიკულად, მთელი დარბაზის, ყველა დელეგაციის მხარდაჭერა, როდესაც ვიღებდით ამ რეზოლუციას. უნდა გაიმართლონ თავი, როგორ მოხდა, რომ რუსეთის საწინააღმდეგო რეგულაციები მიიღეს, როგორ მოხდა, რომ მათ ჰქონდათ რაღაც რეზოლუცია შეტანილი, რომელიც ასევე არ იქნა გაზიარებული,“ - განაცხადა გიგი წერეთელმა.