„საქართველოს თავისუფლებისთვის მებრძოლი ხალხი ან ციხეში უნდა იყოს, ან კრემლის მარიონეტი ივანიშვილის რეჟიმი უნდა წავიდეს“

„საქართველოს თავისუფლებისთვის მებრძოლი ხალხი ან ციხეში უნდა იყოს, ან კრემლის მარიონეტი ივანიშვილის რეჟიმი უნდა წავიდეს“ - ბაჩუკი ქარდავა

პოლიტიკა - 16:37, 12 Jul, 2019

1327

20 ივნისის ღამის მოვლენებში მოძალადე სწორედ გახარია-ივანიშვილის ტანდემია - ასე ეხმაურება ეროვნულ-დემოკრატიული პარტიის ლიდერი ბაჩუკი ქარდავა შს მინისტრის განცხადებას და ოპოზიციის ლიდერების დაკითხვაზე დაბარების ფაქტს.

ქარდავა გახარიას მიერ გადაცემა „არჩევანში“ გაკეთებულ იმ განცხადებასაც პასუხობს, სადაც მინისტმა თქვა, რომ „პოლიტიკოსობა ინდულგენცია არ არის“. ედპ-ი ლიდერი ამბობს, რომ ივანიშვილი ხელიუფლება 20 ივნისის შემდეგ ჩამოყალიბდა რეჟიმად, რომელსაც კარიკატურული დიქტატურის სახე აქვს.

„რა თქმა უნდა პოლიტიკოსობა ინდულგენცია არ არის და ეს არჩევანი ხელშეუხებლობისთვის არ გამიკეთებია. დაკითხვა კი არა, დაჭერაც დამიკიდია ქართული საქმის გამო და თანაც, შენნაირი კარიკატურული კი არა, ნამდვილი საბჭოთა დიქტატურის დროს. ასე, რომ მუქარას რა ფასი აქვს, როცა ის ანრი ფილიპ პეტენის სულიერი მემკვიდრეებიდან მოდის!“ - წერს ბაჩუკი ქარდავა ფეისბუქის გვერდზე.

ეროვნულ-დემოკრატიული პარტიის თავმჯდომარე იმასაც განმარტავს, თუ რატომ მოითხოვა მაგისტრატი მოსამართლის თანდასწებით დაკითხვა და რატომ თქვა უარი შს სამინისტროში მისვლაზე.

„გახარიას მიერ წარმოებული გამოძიების არ მჯერა, თავი თავს ხომ არ დასჯის? 20 ივნისის ღამეს მოძალადე მხოლოდ გახარია-ივანიშვილის ტანდემი იყო“ - ამბობს ქარდავა.

ქარდავას თქმით, იმ ფონზე, როცა ივანიშვილის ხელისუფლება არის კრემლის მარიონეტი, მისთვის ლოგიკურია, პროდასალური პოლიტიკური ოპოზიციის დევნა.

„დამოუკიდებლობის 28 წლის თავზე საქართველო კარგავს თავისუფლებას. ქვეყანას მართავს რუსეთთან მოთანამშრომლე მარიონეტი რეჟიმი. ამ ვითარებაში, ლოგიკურია პოლიტიკური ოპოზიციის დევნა. დღეს საქართველოს თავისუფლებისთვის მებრძოლი ხალხი ან ციხეში უნდა იყოს, ან კრემლის მარიონეტი ივანიშვილის რეჟიმი უნდა წავიდეს.“ - აცხადებს ეროვნულ-დემოკრატიული პარტიის თავმჯდომარე.