უმრავლესობის ყოფილი წევრი და პარლამენტარი ლევან კობერიძე რუსი დეპუტატის სერგეი გავრილოვის საქართველოში ვიზიტს კიდევ ერთხელ აფასებს. მისი თქმით, ოკუპანტის პარლამენტის თავმჯდომარის სკამში ყოფნა საქართველოს მიმართ დაგეგმილი დიდი პროვოკაცია იყო.

"კიდევვ ერთხელ გავმეორდები:

ეს ყველაფერი რუსი გავრილოვის საქართველოს პარლამენტის თავმჯდომარის სკამის მირთმევით დაიწყო - საკონსტიტუციო წესრიგის ხელყოფის მცდელობაზე გამოძიებაც და შესაბამისი პირებისათვის პასუხის მოთხოვნაც ზუსტად აქედან უნდა დაიწყოს!

ვფიქრობ ეს იყო დაგეგმილი პროვოკაცია საქართველოს სახელმწიფოებრიობის მიმართ, რომელიც გაგრძელდა სხვადასხვა ფორმით და მიყავს ქვეყანა პოლიტიკურ კრიზისამდე - ეს უნდა იყოს ათვლის წერტილი!" - აღნიშნა ლევან კობერიძემ.