ხატია დეკანოიძე, ბაჩუკი ქარდავა, გუბაზ სანიკიძე და ირაკლი ღლონტი შსს-ში გამოკითხვაზე მისვლას არ აპირებენ. ოპოზიციის ლიდერების აცხადებენ, რომ ჩვენებას მაგისტრი მოსამართლის თანდასწრებით სასამართლოში მისცემენ.

საქმე ჯგუფური ძალადობის ორგანიზების მუხლით დაწყებულ გამოძიებას ეხება.

„ყველა კითხვაზე გავცემ პასუხს სასამართლო დარბაზში მაგისტრანტ მოსამართლესთან, თუმცა რა კითხვები უნდა ჰქონდეთ გუშინწინდელ გავრცელებულ კადრების შემდეგ, სადაც ოპოზიციის ლიდერები შედიოდნენ კორდონში, როდესაც დაიწყეს მხუთავი გაზის სროლა და რეზინის ტყვიების სროლა. ეს ემსახურება მხოლოდ ერთ მიზანს რომ პოლიტიკური ზეწოლა განახორციელონ ყველა იმ ადამიანზე, რომელიც ჩაყრილია რამიშვილის კანტორის თანამშრომლის ჩვენებაში,“- განაცადა ხატია დეკანოიძემ.

გამოკითხვაზე მისვლას არ აპირებს "ეროვნულ დემოკრატიული პარტიის" ლიდერი ბაჩუკი ქარდავაც.

„ძალა გამოიყენა გახარიას უწყებამ და ახლა გახარიამ უნდა გამოიძიოს რაღაც საქმე, რომელსაც აპირებენ შეკერონ და ფაქტობრივად გამოიყენონ იმისათვის , რომ იქნებ რამენაირად სიტუაცია ჩააცხრონ. ვერაფერს ვერ შეკერავენ. იმიტომ რომ ამათ დიქტატურას აქვს კარიკატურული და სასაცილო სახე,“-განაცხადა ბაჩუკი ქარდავამ.

გუბაზ სანიკიძე ამბობს, რომ დაკითხვაზე დაბარებას დიდი "სასოებით ელოდებოდა".

„გადასერივია, ველოდებოდი ამას დიდი სასოებით. იმიტომ, რომ როცა ქვეყანას მართავენ მოღალატეები მაშინ პატრიოტები ციხეში უნდა ვიჯდეთ. ადამიანები რომლებიც ვცდილობდით როგორმე დაგვეშორიშორებინა ერთმანეთისთვის დაპირისპირებული მხარეები, არ მომხდარიყო უფრო მძიმე შედეგები, პირიქით ჩვენ გვაბრალებენ,“-განაცხადა გუბაზ სანიკიძემ.

ირაკლი ღლონტის შეფასებით კი ოპოზიციის წინააღმდეგ დაწყებულ გამოძიებას გამოგონილ შეთქმულების თეორიას უწოდებს.

„ეს არის გამოგონილი თეორიით საუბარი პოლიტიკური ოპონენტების წინააღმდეგ. კი ბატონო, მივალთ და ვეტყვით, რომ ჩვენ, გავრილვს, პუტინს და პუტინის ხელდასმულ მონებს საქართველოში არ ვაბუინებთ. მზად ვარ ნებისმიერ კითხვაზე ვისაუბრო. პირიქით დავსვამ კითხვას, რატომ გახდა საჭირო საზოგადოებისთვის დათვის ტყვიები ესროლათ. იმედია, მეც მივიღებ პასუხს“-განაცხადა ირაკლი ღლონტმა.