„ეს არის „ოცნების“ ხელისუფლებაში ყოფნის ბოლო ჟამი“ - ზოდელავა ოპოზიციის ლიდერების დაკითხვაზე

პოლიტიკა - 10:40, 12 Jul, 2019

812

ხელსიუფლების ოპონენტები ოპოზიციური ლიდერების გამოკითხვაზე დაბარებას ეხმაურებიან. "ერთიანი ნაციონალური მოძრაობის" ერთ-ერთი ლიდერი მურთაზ ზოდელავა აღნიშნავს, რომ ხელისუფლება შეთითხნილი ბრალდებებით ცდილობს საკუთარი დანაშაულის ოპოზიციისთვის გადაბრალებას.

ოპოზიციის წარმომადგენელი დარწმუნებულია, რომ ივანიშვილის მმართველობა მალე დასრულდება.

„ყველა ის მოქმედება, რომელსაც ახლა მთავრობა ახორციელებს და მათ შორის პროკურატურა, მათ შორის შსს, ყველაფერი ეს ცალცალკე და ერთად აღებული მეტყველებს იმაზე, რომ ეს არის „ოცნების“ ხელისუფლებაში ყოფნის ბოლო ჟამი, ბოლო ეტაპი. და აი, ამ მონაკვეთში ხდება ხოლმე შეცდომის დაშვება. მთელი ეს პარადოქსალური მოვლენების კასკადი ადასტურებს იმას, რომ ჩვენ, ყველანი თვალს ვადევნებთ „ოცნების“ ხელისუფლებაში ყოფნის ბოლო პერიოდს,“- განაცხადა მურთაზ ზოდელავამ.

20-21 ივნისის მოვლენებთან დაკავშირებით ხატია დეკანოიძე, ბაჩუკი ქარდავა, გუბაზ სანიკიძე და ირაკლი ღლონტი შსს-ში გამოკითხვაზე გუშინ დაიბარეს.

საქმე ჯგუფური ძალადობის ორგანიზების მუხლით დაწყებულ გამოძიებას ეხება. ოპოზიციის ლიდერები მზად არიან ჩვენება მაგისტრი მოსამართლის თანდასწრებით საქალაქო სასამართლოში მისცენ.