"ეს კადრები სრული ფარსია... მძიმე სანახავს ნუ ეძახით, 15 წუთის განმავლობაში პირდაპირი შტურმი მიდიოდა"- გახარია ოპოზიციის მიერ გავრცელებულ კადრებზე (ვიდეო)

პოლიტიკა - 20:19, 11 Jul, 2019

1733

"ეს კადრები სრული ფარსია"- ასე აფასებს შინაგან საქმეთა მინისტრი, გიორგი გახარია ოპოზიციის ლიდერის ბიკა მელიას ადვოკატის მიერ საქმის მტკიცებულებებიდან გამოტანილ უწყვეტ ვიდეოს, სადაც ჩანს რომ ოპოზიციის წარმომადგენლები ხალხისგან ნებართვას ითხოვენ, რომ ხელისუფლებასთან მოლაპარაკების მაგიდასთან დასხდნენ.
თუმცა მალევე იწყება შტურმი. შინაგან საქმეთა მინისტრმა "რეაქციის" ეთერში თქვა, რომ მელიას შეუძლია ნებისმიერი კადრით იმართლოს თავი, თუმცა იწინი ამ კადრებს სხვა ჩანაწერებს დაუპირისპირებენ.
გახარია გიორგი კონდახიშვილის მიერ გავრცელებულ კადრებზე საუბრისას აღნიშნავს, რომ ვიდეომ აჩვენა, რომ "ნიკა მელია და მისი მეგობრები ამ აქციის ორგანიზატორები იყვნენ".

"ეს არ იყო მშვიდობიანი აქცია, ეს იყო სისტემური შტურმი პარლამენტის ასაღებად... მძიმე სანახავს ამას ნუ ეძახით, ეს იყო შტურმი 15 წუთის განმავლობაში პირდაპირი შტურმი მიდიოდა"- თქვა მინისტრმა და იქვე დასძინა, რომ მელიას ადვოკატის მიერ გავრცელებული კადრები მონტაჟია და სხვა რაკურსით არის გადაღებული.
მინისტრის ამ განცხადებას გადაცემის წამყვანი, ჟურნალისტი ინგა გრიგოლია შეეწინააღმდეგა და თქვა, რომ "არ იყო მონტაჟი", რადგან მონტაჟში კარგად ერკვევა.