"ეროვნულ-დემოკრატიული" პარტიის თავმჯდომარე ბაჩუკი ქარდავა იმ უწყვეტ ვიდეოკადრებზე საუბრობს, რომელიც ადასტურებს, რომ "გავრილოვის სისხლიან ღამეს" ქვეყნის საკანონმდებლო ორგანოზე შტურმი არ იგეგმებოდა.

ქარდავას თქმით, აღნიშნულმა კადრებმა ხელისუფლების სიყალბე გამოავლინა.

"უწყვეტ კადრებში აშკარად ჩანს ივანიშვილის პროპაგანდის სრული სიყალბე, მაშინ როდესაც ხელისუფლება ამტკიცებდა, რომ პარლამენტში შეჭრის მცდელობის მოსაგერიებლად გაისროლა გაზი, ამ უწყვეტი კადრებიდან იკვეთება საპირისპირო - ხელისუფლების მიერ შემოთავაზებულ მოლაპარაკებას, ხალხთან საუბრის შემდეგ, თანხმდება ოპოზიცია პარლამენტში შესვლაზე, სადაც ალბათ შს მინისტრი და პრემიერი ელოდება მათ და სწორედ ამ დროს იხსნება ცეცხლი, სავარაუდოდ ივანიშვილის ბრძანებით... მოლაპარაკების ჩაშლით ძალიან ბევრი კითხვის ნიშნები ჩნდება, მაგრამ ორი რამ აშკარაა: პირველი - ოპოზიციის აქტიური გამოკვეთილი ლიდერის განეიტრალება და მეორე - გავრილოვის გაძევებისთვის ქართველი პატრიოტების დასჯა რუსეთის საამებლად. მაგრამ დაწყებული გამოძიებით ხელისუფლება თავისსავე მახეში გაება" - განაცხადა ეროვნულ-დემოკრატიული პარტიის თავმჯდომარემ.