მელიას საქმე ხელისუფლების მიერაა შეკერილი, ეს უკვე ფაქტებით დასტურდება

მელიას საქმე ხელისუფლების მიერაა შეკერილი, ეს უკვე ფაქტებით დასტურდება - ოპოზიცია

პოლიტიკა - 09:21, 11 Jul, 2019

871

ოპოზიციის შეფასებით, ნიკა მელიას საქმე ხელისუფლების მიერ არის შეკერილი და ეს უკვე ფაქტებით დასტურდება.
ცნობისთვის, 20 ივნისის ახალმა ვიდეოკადრებმა ნიკა მელიას წინააღმდეგ აღძრული საქმე შესაძლოა თავდაყირა დააყენოს. კადრებში ჩანს, რომ ნიკა მელია პარლამენტში მოსალაპარაკებლად შესვლად და ისევ მომიტინგეებთან დაბრუნებას აპირებს. ოპოზიციის ერთ-ერთი ლიდერის ადვოკატმა დეპუტატის წინააღმდეგ წარმოებული საქმიდან ის უწყვეტი ვიდეომასალა გაასაჯაროვა, სადაც ჩანს, როგორ ამშვიდებს გაბრაზებულ დემონსტრანტებს ოპოზიციის ლიდერი და სახიფათო ვითარების განეიტრალებას. განცხადებების შემდეგ ლიდერები გიორგი გახარიასთან მოლაპარკებებისთვის ხელებაწეული მიდიან, თუმცა ვიდრე პარლამენტში შევლენ, სპეცრაზმი შტურმს იწყებს და მოლაპარაკება იშლება.

"ეს არის ზუსტად ის, რაზეც ჩვენ ამდენი ხანი ვსაუბრობდით, რომ პროკურატურის შეთითხნილი ბრალდება, რაც გულისხმობს, რაღაც ორგანიზებულ ძალადობას, რეალურად არის რეჟიმის შენარჩუნების მცდელობა"- განაცხადა "ნაციონალური მოძრაობის" ერთ-ერთმა ლიდერმა ხატია დეკანოიძემ.

"ევროპული საქართველოს" წევრის აკაკი ბობოხიძის თქმით, ხელისუფლება ცდილობს საკუთარი პასუხისმგებლობა ოპოზიციას გადააბაროს.

"რა თქმა უნდა შეკერილია, რა თქმა უნდა მცდელობაა რომ პასუხისმგებლობა მოიხსნან და გადაიტანონ აქეთ მხარეზე და ვერ ხვდება ჩვენი ხელისუფლება, რომ ოპოზციის და ხელისუფლების პასუხისმგებლობის თანაბარ დონეზე დაყენება არის შეუძლებელი,"-აცხადებს აკაკი ბობოხიძე.