"შემოგვარტყეს ალყა, მანქანას ურტყამდნენ, სიტყვიერ შეურაცხყოფას გვაყენებდნენ" - ივანიშვილის კომპანიაში დასაქმებულები "რუსთავი 2"-ის გადამღებ ჯგუფს თავს დაესხნენ

პოლიტიკა - 09:53, 11 Jul, 2019

1236

გავრცელებული ინფორმაციით, შეკვეთილში მოშიმშილეებს გუშინ ივანიშვილის ბრძანებით არვევდნენ.
მედიამ იმ პირების იდენთიფიცირება მოახდინა, რომლებმაც კარვები დაშალეს და აქციის მონაწილეებს ფიზიკურად დაუპირისპირდნენ. ისინი იმ მიკროავტობუსით გადაადგილდებოდნენ, რომელიც ივანიშვილის კუთვნილებაში არსებულ გასართობ პარკს, ციცინათელას ეკუთვნის.
სწორედ ამ ავტოსატრანსპორტო საშუალების გადასაღებად მივიდა "კურიერის" ჯგუფი ქობულეთში, სადაც ჟურნალისტი და ოპერატორი პარკის დაცვამ ალყაში მოაქცია და მათ სიტყვიერი შეურაცხყოფა მიაყენა.
"გვაინტერესებდა კონკრეტულად ეს მიკროავტობუსი ნამდვილად იდგა თუ არა ამ ტერიტორიაზე, ნამდვილად იდგა, გადავიღეთ დავჯექით მანქანაში, მოვდიოდით და 20-მდე ადამიანი დაგვედევნა. გავაიარეთ 30 მეტრი და რკინის კარები 4 ადამიანის მიერ ორმხრივად მარჯვნივ და მარცხნივ ჩაიკეტა და ამ ადამიანებმა შემოგვარტყეს ალყა, მანქანას ურტყამდნენ, სიტყვიერ შეურაცხყოფას გვაყენებდნენ და ცდილობდნენ ფანჯრების ჩალეწვას,"-აცხადებს ლადო სამაუწყებლო კომპანია ”რუსთავი 2”-ის ჟურნალისტი, ლადო მენაბდე.