„ჩვენ გვყავს არაკომპეტენტური მთავრობა“ - ბაქრაძე ლარის რეკორდულად გაუფასურებას „ოცნების“ არასწორ ეკონომიკურ პოლიტიკას უკავშირებს

პოლიტიკა - 14:23, 10 Jul, 2019

408

„ევროპული საქართველოს“ ერთ-ერთი ლიდერი, დავით ბაქრაძე ლარის რეკორდულად გაუფასურებას მთავრობის არასწორ ეკონომიკურ პოლიტიკას უკავშირებს.
როგორც ბაქრაძემ ჟურნალისტებს განუცხადა, "ქართული ოცნება" თავის არაკომპეტენტურობას ოპოზიციას აბრალებს.
ოპოზიციის ერთ-ერთი ლიდერი აღნიშნავს, რომ რუსეთის აგრესიის დროსაც არ ყოფილა ეროვნული ვალუტა იმ ნიშნულზე, რაც დღეს ფიქსირდება:
"პასუხისმგებლობისგან გაქცევა და და სხაზე გადაბრალება არის "ქართული ოცნების" საფირმო ნიშანი. საზოგადოებას მინდა შევახსენო, მაშინაც კი, როდესაც 2010 წელს თბილისის ცენტრი, რამდენიმე თვის მანძელზე იყო ჩაკეტილი და პარალიზებული ოპოზიციის კარვებით, როცა ვერ ფუნქციონირებდა პარლამენტი და სახელმწიფო ინსტიტუტები, მაშინაც არ მომხდარა ლარის ასეთი გაუფასურება და ლარი დოლართან მიმართებაში იყო 1,7-ზე. თვით რუსული აგრესიის დროსაც კი არ მომხდარა ლარის ვარდნა 2,9 ნიშნულამდე, როგორც დღეს გვაქვს ეს. ამიტომ ამ პროცესების ოპოზიციაზე გადაბრალება, კიდევ ერთხელ მიანიშნებს რომ ხცელისუფლებას უბრალოდ არ აქვს არც პასუხისმგებლობა და არც კომპეტენცია იმისთვის, რომ მართოს ქვეყანა. სინამდვილეში მიზეზი არის ის, რომ გვყავს მთავრობა, რომელსაც არ გააჩნია არანაირი მომავლის ხედვა, გეგმა და თვითდინებაზე და უპატრონიდ დატოვებულ ქვეყანაში ლარი რა თქმა უნდა უფასურდება.ჩვენ გვყავს მთავრობა, რომელიც მთლიანად დაკავებულია კორუფციითა და ნეპოტიზმით, რაც ამცირებს შემოსული ინვესტიციების რაოდენობას და ინვესტიციების სიმცირე ურტყამს ლარს. ჩვენ გვყავს არაკომპეტენტური მთავრობა, რომელიც ბიზნესისთვის შეღავათების მინიჭების ნაცვლად, ზრდის გადასახადებს და გამოდის ახალი რეგულაციებით. შემდეგ კი უკვირთ რატომ ვერ ვითარდება ეკონომიკა სწრაფი ტემპით. ჩვენ გვყავს მთავრობა, რომელიც თვითონ თესავს საზოგადოებაში არასტაბიკურობის განცდას იმითი, რომ მუდმივად საუბრობს გადატრიალებებზე, ამბოხებებზე და სისხლის ღვრაზე. ეს ყველაფერი არის მიზეზი ლარის გაუფასურების და ამის გადმობრალება ოპოზიციაზე კიდევ ერთხელ ადასტურებს, რომ ამ მთავრობას არ აქვს არც კომპეტენტურობა, არც ცოდნა არც ხედვა იმისთვის, რომ საქართველო კრიზისიდან გამოიყვენოს"- თქვა ბაქრაძემ.