"ხელისუფლებამ თვითონ გაიჩალიჩა, ხაზარაძეს სხვა გზა არ დაუტოვეს"- გია ხუხაშვილი მამუკა ხაზარაძის პოლიტიკურ შანსებს აფასებს

პოლიტიკა - 15:02, 09 Jul, 2019

1612

მამუკა ხაზარაძის განაცხადს, რომ ის საზოგადოებრივ მოძრაობას დააფუძნებს გია ხუხაშვილი დადებითად აფასებს.

ხუხაშვილი ამბობს, რომ ხელისუფლების მიერ ხაზარაძის წინააღმდეგ დაწყებულმა "ბრიყვულმა" ქმედებებმა აიძულა ბიზნესმენს მსგავსი მოძრაობა ჩამოეყალიბებინა.

პოლიტოლოგი მიიჩნევს, რომ "ხელისუფლებამ გაიჩალიჩა".

„ხაზარაძეს ხელისუფლებამ სხვა გზა არ დაუტოვა. ზოგადად, "ქართული ოცნებს" მაზოხიზმითაა შებყრობილი, ამის გამოვლინებაა თავისი ბრიყვული დამოკიდებულება ხაზარაძის მიმართ. ხელისუფლებამ თვითონ გაიჩალიჩა. ის ერთადერთი რაშიც ხედავს გამოსავალს და ძალაუფლების შენარჩუნების ინსტრუმენტს, ეს გახლავთ მონოპოლია რესურსებზე. მამუკა ხაზარაძე ამას არღვევს, ქმნის ალტერნატიული რესურსების ცენტრს, რაც სასარგებლოა სახელმწიფოებრიობისთვის. ირღვევა მონოპოლია და ხელისუფლებას იმის ილუზია ვეღარ ექნება, რომ იყიდის არჩევნებს. ეს არის ისტორიული პროცესის ძალიან მნიშვნელოვანი და სასარგებლო ნაწილი. თუ მამუკა ხაზაეაძე შემოვა ამ ველზე ჩამოაყალიბებს თავის მოსაზრებებს, დანარჩენი არჩევნების გზით გადაწყდება. მთავარია ყველა ერტმანეთის მტრები არ გავხდეთ, რასაც ხელისუფლება ცდილობს. ხაზარაძემ უნდა იცოდეს, რომ ძალიან ეკლიანი გზა ელოდება და მოუწევს ამ გზაზე იმუნიტეტის გამომუშავება. ხელისუფლება შეეცდება შეცდომები დააშვებინოს. ასე, რომ შანსი არის, როგორ მოახდენს ამის რეალიზებას უახლოეს პერიოდში ვნახავთ“- აცხადებს ხუხაშვილი.