მამუკა ხაზარაძის პოლიტიკური მეწყვილე გიორგი კვირიკაშვილი იქნება - ვინ უერთდება ბიზნესმენის პოლიტიკურ მოძრაობას

პოლიტიკა - 13:33, 09 Jul, 2019

5122

პროდასავლურ ველზე ახალი პოლიტიკური მოთამაშე გამოჩნდა. ბიზნესიდან მამუკა ხაზარაძე პოლიტიკაში მიდის.

მამუკა ხაზარაძემ, რომელმაც სექტემბერში საზოგადოებრივი მოძრაობის დაფუძნება დააანონსა, ჯერ კიდევ ივანიშვილთან ღია დაპირისპირების შემდეგ ჰქონდა გადაწყვეტილი. "ნიუპოსტის" ინფორმაციით, თიბისი ბანკის დამფუძნებლის მთავარი პოლიტიკური მეწყვილე გიორგი კვირიკაშვილი იქნება. წყაროს ინფორმაციით, ხაზარაძის რიგებში შესაძლოა თვალის კლინიკის დამფუძნებელი გიორგი ჯავრიშვილიც ვიხილოთ. საუბარია დავით მაღრაძის გაერთიანებასა და ხაზარაძის საზოგადოებრივ მოძრაობას შორის თანამშრომლობაზეც.

ბიძინა ივანიშვილს ახალი პოლიტიკური თავსატეხი გაუჩნდა. მამუკა ხაზარაძე, რომელსაც ოლიგაქრმა გარკვეუწილად რეპუტაცია შეულახა საერთაშორისო ინვესტორებთან, დღეს ივანიშვილის პოლიტიკურ მეტოქედ გამოჩნდა. ნაკლებად სავარაუდოა, გრძელვადიან სტრატეგიაში ხაზარაძე ივანიშვილის ველზე ვიხილოთ, რადგან მათ შორის წყალგამყოფი სწორედ პოლიტიკური ორიენტირი აღმოჩნდა. უკვე ფაქტია, ბიძინა ივნიშვილი ცალსახად რუსულ ორბიტაზე დგას, და ამის დდასტურებად საზოგადოებამ იხილა გავრილოვის სისხლიანი ღამე და გიორგი გაუბნიას მიერ პუტინის გინების გამო, საქართველოს ხელისუფლების მყისიერი რეაქციები კრემლის სასარგებლოდ. უფრო ადრე კი ანაკლიის პორტის მშენებლობის სკანდალი, რომელიც სწორედ რუსეთის პრობლემაა და ჯერ კიდევ გაურკვეველია რა ბედი ელის ივანიშვილის ხელში.

რაც შეეხება ხაზარაძესთან ივანიშვილის ღია ბრძოლას, რომ არა დასავლელი პარტნიორების მხარდაჭერა, დიდი ალბათობით ხაზარაძე შესაძლოა გისოსებს მიღმაც გვეხილა.

პროპრორციული უბარიერო საარჩევნო სისტემის პირობებში, მამუკა ხაზარაძე ცხადია შეძლებს საკუთარი რესურსის მობილიზებით პარლამენტში თავისი ადგილის მოპოვებას, თუმცა მკვეთრად პოლარიზებულ ველზე, სადაც პროდასავლური ფლანგი გაერთიანებულ ოპოზიციას დიდი უპირატესობით აქვს დაკავებული, ხაზარაძეს თავისი წილი ექნება, ოღონდ არა გადამწყვეტი. ფაქტია, ბიძინა ივანიშვილს კიდევ ერთი პოლიტიკური თავსატეხი გაუჩნდა, ამჯერად ფინანურად დატვირთული ბიზნესმენის სახით.