"ერთიანი ნაციონალური მოძრაობის" წევრი რომან გოცირიძე გიორგი გაბუნიას მიერ "რუსთავი 2"-ის ეთერში გაკეთებულ განცხადებას ეხმაურება.

გოცირიძის თქმით, შემაშფოთებელია ხელისუფლების მიერ კერძო მაუწყებლის მისამართლით გაკეთებული ქვეყნის ღირსების შემლახავი, კაპიტულანტური განცხადებები.

"გაბუნიას უღირსი საქციელი დასაგმობია, არა იმიტომ, რომ პუტინს აგინა, არამედ იმიტომ, რომ ასე ცუდად იგინა , მიუხედავად იმისა, რომ გინების ობიექტი ენით კი არა ნაჯახით დაკოდვასაც იმსახურებს.

აი, ის მოღალატეები, პუტინის გამო რუსთავი 2-ში შეჭრას რომ ლამობენ, არიან საქართველოს ლუსტრირებული მტრები.

რა უფლებით აკეთებს მთავრობა და კუსავით ნახირ-ნახირ ადევნებული ე.წ. პრეზიდენტი კერძო მაუწყებლის მისამართით პროვოკაციულ, ქვეყნის ღირსების შემლახავ, კაპიტულანტურ განცხადებებს?!

გავრილოვი ვერ მოუნელებია ხალხს ჯერ კიდევ და ახლა ეს მოღალატეები პუტინის ქომაგებად დაგვიდგნენ!

ცუდად დაამთავრებენ!" - აღნიშნა რომან გოცირიძემ.