„პატრიოტთა ალიანსმა“ ხალხი მოატყუა - გუშინ, სპორტის სასახლეში ინაშვილ-თრხან-მოურავის პარტიამ მხარდამჭერებთან შეხვედრა გამართა, თუმცა როგორც აღმოჩნდა, მათ ამ შეხვედრაზე ადამიანები მოტყუებით მიიყვანეს. გარდაბნიდან ჩამოსული ხალხი ამბობს, ადგილობრივი საკრებულოს წევრმა, დალი პირველმა თბილისში რუსთაველის გამზირზე მიმდინარე აქციის მხარდასაჭერად წამოიყვანა, თუმცა საბოლოოდ, სულ სხვაგან აღმოჩნდნენ.

„მოვიდა სამი „მარშრუტკა“, ერთ-ერთ მარშრუტკაში იმყოფებოდა ქალბატონი დალი პირველი, რომელიც როგორც ვიცი, არის საკრებულოს წევრი ქალაქ გარდაბანში. გვითხრეს, რომ გახარიას გადადგომასთან დაკავშირებით პროტესტზე უდნა წავსულიყავით ქალაქ თბილისში . როდესაც მივედით სპორტის სასახლეში, ვნახე, რომ სრულიად სხვაგან ვარ, ეგრევე დავტოვე ის შენობა,“- განაცხადა ერთ-ერთმა ადგილობრივმა.