დღეიდან საქართველოსა და რუსეთს შორის ავიამიმოსვლა შეწყდა. ამის შესახებ ბრძანებულება რუსეთის პრეზიდენტმა 22 ივნისს გამოსცა და ამის მიზეზად ის დაასახელა, რომ 20 ივნისის ღამით განვითარებული მოვლენების ფონზე რუსეთის მოქალაქეებს შესაძლოა, საფრთხე შეექმნათ, თუმცა ამ ფორმით პუტინმა ანტიოკუპანტური ღიად დაფიქსირებისთვის საქართველოს დასჯა გადაწყვიტა.

რუსეთის ტრანსპორტის სამინისტროს ინფორმაციით, ამ ბრძანების გაცემამდე საქართველოში 54 ათასი რუსი ტურისტი იყო, თუმცა 4 ათას 500-მდე ტურისტმა ქვეყნიდან დაუყოვნებლივ გამგზავრებაზე უარი თქვა.