„თბილისი პრაიდის ანონსი არის მიზანმიმართული პროვოკაცია სახელმწიფოს წინააღმდეგ, ოპოზიციის დისკრედიტირების მცდელობა და პარლამენტთან მიმდინარე აქციის გაპუსტიაკება“

„თბილისი პრაიდის ანონსი არის მიზანმიმართული პროვოკაცია სახელმწიფოს წინააღმდეგ, ოპოზიციის დისკრედიტირების მცდელობა და პარლამენტთან მიმდინარე აქციის გაპუსტიაკება“ - გოჩა მირცხულავა

პოლიტიკა - 20:53, 07 Jul, 2019

1559

როდესაც ქუჩაში ჯერ კიდევ დუღილის ტეპერატურაა, ეს ხვალინდელი ანონსი არის მიზანმიმართული პროვოკაცია სახელმწიფოს წინააღმდეგ - ასე ეხმაურება თბილისი პრაიდის ორგანიზატორების მიერ დაანონსებულ 8 ივლისის მარშს ანალიტიკოსი გოჩა მირცხულავა.

„ცხადზე უცხადესია, კონკრეტული ადამიანებისთვის სახელმწიფო არ არსებობს და არანაირი განცდა არ აქვთ. ახლა უკვე ვერ ვიტყვი, რომ ვიღაც სასარგებლო იდიოტია. პირაპირ ვამბობ - პროვოკატორია. 1 ეს არის ოპოზიციის დისკრედიტირების მცდელობა და პარლამენტთან მიმდინარე აქციის გაპუსტიაკება - შინაარსზე მაქვს საუბარი. ცხადია რომ გაკეთდება ბმა - აი ესენი იცავენ ქვეყანას ოკუპაციისგან და ნახეთ ამათი მხარდამჭერი ოპოზიციური პარტიებიო. მოკლედ მიზანმიმართული დისკრედიტირებისა და მარგინალიზების ახალი ნარატივი; 2. ეს არის ხელისუფლების უსუსურობის დემონსტრირება - არ ჩაატარებინებს და აქ ოპოზიციაც იტყვის გამოხატვის თავისუფლებას ებრძვიანო და ჩაატარებინებს - პროვოკაციებს დაელოდება ჩასაფრებული; 3. მთლიანობაში ზიანდება იდეა, რადგანაც - მათ საკმაოდ დიდი, 200 კაციანი ღონისძიება ჩაატარეს რუმსში და ვერის პარკში გამარგრებული ვასაძე არავის მივარდნია. თუ ხვალ იქნება თუნდაც ერთი ასეთი ფაქტი - თვალნათლივ დადასტურდება, რომ ორგანიზატორებიც და ვასაძეც ერთი კარმუშკიდან იკვებებიან და იმართებიან. 4. სახელმწიფო ამათ ფეხებზე ჰკიდიათ და პოლიტიკური პროცესი და რისკებიც. 5. უფრო მეტიც - ვინმე ფიქრობს რომ სახელმწიფოს გამოწვევა რომელიმე ადამიანის უფლებების დაცვის გარანტია და კეთილგანწყობის მოპოვების წყარო გახდება?“ - წერს გოჩა მირცხულავა.