"ქართული ოცნების" წევრების ბიზნესი და კავშირები რუსეთთან - თბილისის საკრებულოს, ფრაქცია ნაციონალური მოძრაობის წევრი, ლევან ხაბეიშვილი საკრებულოს იმ დეპუტატებს ასახელებს, რომელთა ბიზნესიც რუსეთს უკავშირდება.

ოპოზიციის ინფორმაციით, თბილისის საკრებულოს დეპუტატს, თამარ ტალიაშვილის ოჯახს რუსულ ბიზნესთან კავშირი აქვს. ასეთია "ქართული ოცნების" დეპუტატი, შალვა ობგაიძე, რომლის დეიდაშვილის კომპანიას რუსეთიდან შემოჰყავს ავტომობილები და სახელმწიფოს მათგან საერთო ჯამში, მილიონ 900 ათასი ლარის ღირებულების ნივა აქვს შეძენილი.

„თამარ ტალიაშვილს და მის მეუღლეს ასიათასობით ლარი აქვთ რუსულ ბანკებში. ასევე მნიშვნელოვანია საზოგადოებამ იცოდეს, რომ „ალფა ბანკი“ არის ბანკი, რომელმაც დაარღვია ოკუპაციის შესახებ კანონი და აფხაზეთში კერძოდ, გაგრასა და სოხუმში აქვს ფილიალები. ასევე, თამარ ტალიაშვილის გარდა, რუსულ ბიზნესთან შესაძლოა კავშირი ჰქონდეს შალვა ოგბაიძეს, რომელსაც მის დეიდაშვილთან ერთად რუსეთიდან სახელმწიფოსთვის ჩამოჰყავს ნივები და ჯამში, სახელმწიფომ 2 მილიონ 900 ათასი ლარის ნივა შეიძინა შალვა ოგბაიძის დეიდაშვილის კომპანიისგან, გარდა იმისა, რომ ის შალვა ოგბაიძის დეიდაშვილია, ისინი იყვნენ ბიზნეს პარტნიორები,“ - განაცხადა ლევან ხაბეიშვილმა.