"შეიძლება თუ არა ერთი და იგივე პირი, ერთი და იგივე ქმედების გამო პასუხისგებაში მიცემულ იქნას ორჯერ?"

"შეიძლება თუ არა ერთი და იგივე პირი, ერთი და იგივე ქმედების გამო პასუხისგებაში მიცემულ იქნას ორჯერ?" - ადვოკატი სამართლებრივ ხარვეზზე საუბრობს

პოლიტიკა - 11:13, 05 Jul, 2019

1776

ჯგუფური ძალადობის ბრალდებით დაკავებული 4 პირიდან ერთის ბესიკ თამლიანის ყოფილი ადვოკატი, ლევან ჩხეიძე სოციალურ ქსელში განცხადებას აქვეყნებს:
"შეიძლხება თუ არა ერთი და იგივე ქმედებისთვის ადამიანმა ორჯერ აგოს პასუხი? ბესო თამლიანი, რომელსაც მე ვიცავდი 20 ივნისის მოვლენებთან დაკავშირებთ, ადმინისტრაციული წესით სამართალდამრღვად იქნა ცნობილი, მიესაჯა პატიმრობა რომელიც მოიხადა სრულად. იგივე ქმედების გამო, ამჯერად სისხლის სამართლებრივი ბრალდებით დააკავეს იგი გუშინ. სამწუხაროდ სისხლის სამართლის საქმიანობის ნებართვის არქონის გამო მე ვეღარ დავიცავ ბესოს და სხვა პოლიტ. პატიმრებს. იგივეს ვკითხულობ: შეიძლება თუ არა ერთი და იგივე პირი, ერთი და იგივე ქმედების გამო პასუხისგებაში მიცემულ იქნას ორჯერ?"- აცხადებს ჩხეიძე.

ჯგუფური ძალადობის ბრალდებით დაკავებული 4 პირიდან სამს, ბრალს დღეს წაუყენებენ. ზურაბ ბუდაღაშვილს კი გვიან ღამით წინასწარი დაკავების იზოლატორში უკვე წაუყენეს ბრალი.

ცოტნე სოსელია, ბესიკ თამლიანი, კახაბერ კუპრეიშვილი და ზურაბ ბუდაღაშვლი შს სამინისტროს თანამშრომლებმა გუშინ დააკავეს. მათ ბრალი ჯგუფურ ძალადობაში მონაწილეობაში ედებათ. დანაშაული6-დან 9 წლამდე თავისუფლების აღკვეთას ითვალისწინებს.