"ვსკანდირებდი "საქართველო" და დამიწყეს ცემა, შიგნით შემითრიეს, მირტყამდნენ ყველაფერს რაც ხელში მოხვდებოდათ"- აქციის მონაწილე პოლიციელებს სასტიკ მოპყრობაში ადანაშაულებს

პოლიტიკა - 12:11, 03 Jul, 2019

894

20 ივნისის "გავრილოვის სისხლიან ღამეს" დაშავებული რამაზ აივაზაშვილი პოლიციელებს სასტიკ მოპყრობაში ადანაშაულებს.

ახალგაზრდა ირწმუნება, რომ სამართალდამცველებმა მას ჯერ ხელკეტით თავი გაუტეხეს, სცემეს, შემდეგ კი პარალამენტის ეზოში შეათრიეს და ფიზიკურად გაუსწორდნენ.

აივაზაშვილი "კურიერთან" ინტერვიუში აცხადებს, რომ ის „საქართველოს“ სკანდირებდა, რამაც პოლიციელები გააღიზიანა და მას ცემა დაუწყეს.

„მივიღე პოლიციის კორდონთან დაზიანება თავში, სპეცრაზმის კორდონიდან პოლიციამ შიგნით შემითრია და იქ უკვე იყო გინება, ფიზიკური შეურაცხყოფა, მირტყამდნენ ხელს, ფეხს, ხელკეტს, რაც ხელში მოხვდებოდათ. მიუხედავად იმისა, რომ ჩემი მხრიდან არც წინააღმდეგობა ყოფილა, არც სიტყვიერი შეურაცხყოფა, ერთადერთი, როცა შემიყვანეს, შემითრიეს შიგნით, აქ გარეთ სკანდირება იყო - საქართველო და მეც მაგას ავყევი და მაგის გაგონების შემდეგ დამიწყეს ცემა. ავტობუსში ჩამსვეს, მოვიდა პოლიციელი და იკითხა, თავი ვის აქვს გატეხილიო, იმიტომ, რომ სისხლდენა მქონდა ძლიერი და წამიყვანეს მერე უკვე, პარლამენტის შენობაში შემიყვანეს, იქ ერთ-ერთმა თავი შემიხვია და მერე გადამიყვანეს განყოფილებაში ცალკე მანქანით,“ - განაცხადა რამაზ აივაზაშვილმა.