"გთხოვთ ხალხო, დამეხმარეთ, შვილი გადამირჩინეთ" - 10 წლის გოგონას მამა დედისთვის შემაკავებელი ორდენის გაცემას ითხოვს

პოლიტიკა - 09:51, 03 Jul, 2019

1449

ხონის პოლიციასთან გუშინ ღამით, აქცია გაიმართა, ხონში მცხოვრები ლიპარიძეების ოჯახი 10 წლის გოგონას ადგილსამყოფელის დადგენას და ბიოლოგიური დედის და მისი ადვოკატის წინააღმდეგ შემაკავებელი ორდერის გამოცემას მოითხოვდნენ.

ბავშვის მამის თქმით, მათ საცხოვრებელ სახლში 29 ივნისს ღამით სოციალური სამსახურის წარმომადგენლები, ბავშვის დედასთან, ადვოკატთან და პოლიციასთან ერთად მივიდნენ და არასრულწლოვანი ძალის გამოყენებით წაიყვანეს. დავით ლიპარიძის თქმით, ამ ადამიანებმა მის შვილზე იძალადეს, პოლიციას კი შვილის დაბრუნებას და მოძალადეებზე შემაკავებელი ორდერის გამოცემას სთხოვს:

"მოვმართეთ პოლიციას, წარვუდგინეთ კადრები, სადაც ჩემ შვილს ღამის სამ საათზე ახოხიალებენ, ათრევენ ტიტველი გამოჰყავთ, ხალათიც კი წაართვეს, წვიმაში დააგდეს ბავშვი, ისე გამოიყვანეს და არანაირი რეაგირება. გთხოვთ, გამოიცეს მოძალადეებზე შემაკავებელი ორდერი, რასაც ჩემი ადვოკატები მიმართავენ პოლიციას და არანაირი რეაგირება არ არის. გთხოვთ ხალხო, დამეხმარეთ, შვილი გადამირჩინეთ გთხოვთ. ნუთუ საქართველოში კანონი არ არის, რომ ბავშვი დაიცვას,"- განაცხადა ბავშვის მამამ, დავით ლიპარიძემ

ლიპარიძეებს თქმით, ბავშვთან დაკავშიებით სასამართლო 7 წელია მიმდინარეობს, რამდენიმე დღის წინ კი უზენაესმა სასამართლომ გამოიტანა გადაწყვეტილება, რომლის თანახმადაც 10 წლის ბავშვის მამა მოძალადედ ცნეს და ბავშვისგან გარიდება დაავალეს. აღნიშნულ გადაწყვეტილებას ლიპარიძეები უსამართლოდ მიიჩნევენ, თუმცა აცხადებენ, რომ არ აპირებენ შეეწინაღმდეგონ სასამართლოს გადაწყვეტილებას და მხოლოდ ბავშვის ადგილსამყოფელის დადგენას და მის პირადად ნახვას ითხოვენ.