რუსეთის ფედერაციის საბჭოს წევრი საქართველოს წინააღმდეგ სანქციების დაწესებას ითხოვს, პრეზიდენტისგან ბოდიშს ელოდება და უკრაინის მსგავსი პროცესებით იმუქრება

პოლიტიკა - 21:12, 02 Jul, 2019

1351

რუსეთის ფედერაციის საბჭოს საერთაშორისო ურთიერთობების კომიტეტის თავმჯდომარის მოადგილის ვლადიმირ ჯაბაროვის თქმით, რუსეთმა საქართველოს ეკონომიკური სანქციები უნდა დაუწესოს, კერძოდ კი აკრძალოს ქართული ღვინის იმპორტი:

„საქართველო პატარა ბავშვი ხომ არაა, რომელსაც არაფერი ესმის, გააფუჭა რაღაც და უნდა აპატიო. უკვე თითქმის 30 წელია დამოუკიდებელი ქვეყანაა და თავის ნაბიჯებზე პასუხი უნდა აგოს. მე ვთლი რომ საჭიროა ზომების მიღება, სანქციები. მე საერთოდ არ მომწონს, როდესაც იძახიან, რომ ქათული ღვინის ხარისხი გაფუჭდა. რა საჭიროა ასე ლაპარაკი? ამაზე მათ ეღიმებათ. მე ვთლი რომ აუცილებელია თქმა: იმის გამო რომ ქვეყანა არამეგობრულად მოიქცა, ჩვენ აღარ გვინდა ამ ქვეყანასთან ვაჭრობა. ჩვენ არ გვინდა, რომ ჩვენ ქვეყნით ფულს გამოიმუშავებდნენ. თუ თქვენ მას თვლით აგრესორად, კეთილი ინებეთ და მიყიდეთ თქვენი ღვინო ან სხვა პროდუქტები სხვა ქვეყნებს. საქართველო ჩხუბობს, რუსეთი კბილებს აკრაშუნებს, შემდეგ რა იქნება?“- განაცხადა ჯაბაროვმა პრესკონფერენციაზე.

ჯაბაროვის თქმით, საქართველომ რუსეთს ბოდიში უნდა მოუხადოს, რუსი მაღალჩინოსანი პირველ ბოდიშს საქართველოს პრეზიდენტისგან ელოდება:

„მე ვფიქრობ, რომ პირველი ნაბიჯი უნდას გახდეს საქართველოს პრეზიდენტის ბოდიში რუსეთის მიმართ.“- აღნიშნა ჯაბაროვმა და დაამატა, რომ თუ საქართველოს ხელისუფლება ვერ იპოვის ქვეყანაში მიმდინაე პროცესების გაკონტროლების გზებს, მას ისეთივე შოკი ელოდება, რაც უკრაინაში მოხდა:

„თუ ხელისუფლება ვერ იპოვის საკუთარ თავში ძალებს, რომ ეს პროცესები შეაჩეროს, მაშინ საქართველოს შესაძლოა ელოდეს ისეთივე შოკები, რაც უკრაინაშია, მაგრამ ქვეყნის მასშტაბების გათვალისწინებით, იქ შედეგები შესაძლოა ძალიან მძიმე იყოს, რასაც მე ქართველ ხალხს არ ვუსურვებდი.“- განაცხადა ჯაბაროვმა.