"ქართული ოცნება" მარტო საკონსტიტუციო ცვლილებას ვერ გაიტანს და დასჭირდება ოპოზიციის ხმები“

"ქართული ოცნება" მარტო საკონსტიტუციო ცვლილებას ვერ გაიტანს და დასჭირდება ოპოზიციის ხმები“ - ჩუგოშვილი

პოლიტიკა - 19:06, 30 Jun, 2019

1000

უმრავლესობა ოპოზიციასთან დიალოგისთვის მზად არის. პარლამენტის ვიცე-სპიკერი ამბობს, რომ მმართველ გუნდს არ გააჩნია საკონსტიტუციო უმრავლესობა და ამისათვის მათ ოპოზიციის ხმები დაჭირდებათ..

„ინდივიდებს, რომლებიც გადიან კონსტიტუციური ჩარჩოებიდან და რომლებიც სახელმწიფოს დამხობისკენ აკეთებენ მოწოდებებს, პირადად მათთან, ჩვენ პოლიტიკური მოლაპარაკებებს არ ვაპირებთ, მაგრამ ეს შეეხება კონკრეტულ სახელებს და გვარებს და არა პარტიებს. "ნაციონალური მოძრაობა" არის ერთ-ერთი მთავარი ოპოზიციური ძალა ქვეყანაში და რა თქმა უნდა, მათ თუ სურვილი ექნებათ ან შეხვედრაზე მოსვლის ან საუბრის, ამის პრობლემა არ ექნებათ. რომც დაუჭიროს უმრავლესობის ყველა წევრმა, უმრავლესობას არ აქვს საკონსტიტუციო უმრავლესობა. "ქართული ოცნება" მარტო, ამ საკონსტიტუციო ცვლილებას ვერ გაიტანს და ამისთვის მას დასჭირდება საპარლამენტო ოპოზიციის ხმები. მე ვერ გამოვრიცხავ, რომ იყოს უმრავლესობის რამდენიმე წევრი, რომლისთვისაც მიუღებელი იქნება საარჩევნო სისტემის შეცვლა და ეს თქვენთვის სიახლე არ არის. უხერხულია, მეტი თუ არაფერი, გინდოდეს პოლიტიკურ ძალას რომ პარტიად მიიჩნეოდე ქვეყანაში, ადგილი გინდოდეს საქართველოს პარლამენტში და ამბობდე, რომ 0.7%-იც კი არ დამიჭერს მხარს მე ქვეყანაში, მაგრამ მაინც უნდა აღმოვჩნდე პარლამენტში. მე მგონი, ეს არ არის ჯანსაღი და სწორი მიდგომა, ამიტომ 0%-იანი ბარიერი და ბლოკები, ფაქტობრივად გამორიცხავს ერთმანეთს,“ - განაცხადა თამარ ჩუგოშვილმა.

გაერთიანებული ოპოზიცია ხელისუფლებას საარჩევნო სისტემის ცვლილებასთან დაკავშირებით ხელისუფლებას სამ პირობას უყენებს. ოპოზიციის ლიდერების თქმით, ხელისუფლებამ საკუთარ ინიციატივასთან ერთად უნდა დაარეგისტრიროს ოპოზიციის მიერ ინიცირებული საკონსტიტუციო ცვლილების პროექტი, რათა მოხდეს ერთობლივად საკონსტიტუციო განხილვა.

საპროტესტო აქციების ფონზე, ქართული ოცნების თავმჯდომარემ ბიძინა ივანიშვილმა 2020 წლის საპარლამენტო არჩევნების ჩატარება სრულად პროპორციული წესით დაა ნულოვანი ბარიერით დააანონსა. ბუნებრივი ბარიერის პირობებში, პარლამენტში პარტიებისთვის ერთი მანდატის მისაღებად, შესაძლოა, დაახლოებით 0,67%-იანი ბარიერის გადალახვა იყოს საჭირო (12-დან 14 ათასამდე ხმა).ა