"რაც არ უნდა რთული იყოს თითქოსდა გაცვეთილი ფრაზის მოსმენა „ვნახოთ გამოძიება რას დაადგენს“, სხვა გზა არ არსებობს"

"რაც არ უნდა რთული იყოს თითქოსდა გაცვეთილი ფრაზის მოსმენა „ვნახოთ გამოძიება რას დაადგენს“, სხვა გზა არ არსებობს" - თეა წულუკიანი

პოლიტიკა - 15:55, 28 Jun, 2019

745

იუსტიციის მინისტრის თეა წულუკიანის თქმით, 20 ივნისის აქციის დაშლისას უმრავლეს შემთხვევაში გამოყენებული ძალა თანაზომიერი იყო, თუმცა არსებობს არაერთი შემთხვევა, რომელმაც გააჩინა კითხვები ძალის პროპორციულად გამოყენების შესახებ და ეს აუცილებლად უნდა იქნეს გამოძიებული:

„ჩვენ 20 ივნისს სახეზე გვქონდა ე.წ პროპორციულობის ტესტი, რომელიც უნდა დააკმაყოფილოს ნებისმიერმა სამართალდამცავებმა, ინდივიდუალურად. ამ ტესტის ნაწილია ის თუ არის თუ არა ლეგიტიმური მიზანი, რომლისთვისაც ეს ძალა გამოიყენება. მიზანი რისთვისაც ძალა იქნა გამოყენებული იმ ღამეს იქნა ლეგიტიმური, იქიდან გამომდინარე, რომ როდესაც აქციამ მშვიდობიანი ხასიათი დაკარგა და რამდენიმეჯერადი შეტევა იქნა პარლამენტზე მიტანილი, ამ შეტევების მოგერიება არის ლეგიტიმური არა მხოლოდ ჩვენი კანონმდებლობით. არამედ ადამიანის უფლებათა კონვენციის სტანდარტის მიხედვით. ამის შემდეგ დგება პროპორციულობის შემოწმების პროცესი, კერძოდ ის საშუალება, რომელიც იქნა გამოყენებული ლეგიტიმური მიზნის მისაღწევად იყო თუ არა ყველა ინდივიდუალურ შემთხვევაში თანაზომიერი ანუ პროპორციული. თუ მე როგორც მოქალაქე და მინისტრი ვიმსჯელებ იმ ვიდეოკადრებით რაც ვნახეთ, აბსოლუტურ უმრავლესობა შემთხვევაში გამოყენებული ძალა ლეგიტიური მიზნის მისაღწევად, ანუ სახელმწიფო ინსტიტუტზე შეტევის მოსაგერიებლად, იყო თანაზომიერი ანუ პროპორციული. მაგრამ, სხვათა შორის, ამას პირველივე დღიდან იძახდა შს მინისტრი, არის ცალსახად არაერთი შემთხვევა, როდესაც არის კითხვები ეს ტესტი იყო თუ არა პროპორციული.“- განაცხადა თეა წულუკიანმა. მისი თქმით, რაც არ უნდა რთული იყოს თითქოსდა გაცვეთილი ფრაზის მოსმენა „ვნახოთ გამოძიება რას დაადგენს“, სხვა გზა არ არსებობს და საზოგადოება გამოძიების დასრულებას უნდა დაელოდოს.