"ბრძანების გამცემი, რასაკვირველია, იყო ბიძინა ივანიშვილი" - დეკანოიძე „გავრილოვის ღამეს“ მიტინგის დარბევაზე

პოლიტიკა - 13:22, 28 Jun, 2019

1009

გაერთიანებული ოპოზიცია "ძალა ერთობაშიას" და ენმ-ს ერთ-ერთი ლიდერი ხატია დეკანოიძე დარწმუნებულია, რომ 20 ივნისის „გავრილოვის ღამეს“ აქციის მონაწილეების დარბევის ბრძანება პირადად ბიძინა ივანიშვილმა გასცა.

მისი თქმით, ივანიშვილის ბრძანება შეასრულა შს მინისტრმა გახარიამ და სუს-ის ხელმძღვანელმა გომელაურმა.

„სახელმწიფო ინსტიტუტის პირველი პირები წარმოადგენენ ბიძინა ივანიშვილის ყურმოჭრილ მონებს, ამიტომ ჩვენ ეს უნდა გვახსოვდეს, რომ ნებისმიერი გადაწყვეტილება, რომელიც ეხება ზუსტად სახელმწიფო ინსტიტუტებს, იქნება ეს შსს, უშიშროების საბჭო, საქართველოს პარლამენტი, თუ ა.შ., ბიძინა ივანიშვილი გასცემს უშუალო ბრძანებებს, თუ როგორ უნდა მოიქცნენ სახელმწიფო ინსტიტუტები და მათი პირველი პირები. მათ შორის, ჩვენ ვიხილეთ მაგალითად, ბახტაძის საშინლად საცოდავი გამოსვლა, ვიხილეთ გახარიას უტიფარი ტყუილები. უშუალო შემსრულებელი იყო გახარია, ასევე, კოორდინაციაში ჩუბინიძესთან და გომელაურთან, სუს-თან, რომელიც დღემდე აგრძელებს პროვოკაციებს პარლამენტის წინ, მაგრამ უშუალოდ ბრძანების გამცემი, რასაკვირველია, იყო ბიძინა ივანიშვილი,“- განაცხადა ხატია დეკანოიძემ.