„ბ-ნო შს მინისტრო, არ მისცეთ უფლება „მარშისტებს“ თქვენს დასაცავად კონტრაქცია მოაწყონ“ - სოცქსელში გახარიას მხარდასაჭერი კონტრაქცია იგეგმება

პოლიტიკა - 13:25, 28 Jun, 2019

2519

სოციალურ ქსელში შს მინისტრის გიორგი გახარიას მხარდასაჭერი კონტრაქცია იგეგმება. აღნიშნულს ორგანიზებას უმეტესად ე.წ. სიძულვილის ჯგუფების წარმომადგენლები უწევენ. სხვადასხვა ინფროამციით, ანტისაოკუპაციო აქციის კონტრაქცია დღეს, სავარაუდოდ, 19:00 საათზე, შსს-თან გაიმართება.ამ ინფორმაციას ეხმაურება გაზეთ „ქრონიკა+“-ის მთავარიუ რედაქტორი ელისო კილაძე და გახარიას ურჩევს, რომ არ მიიღოს „მარშელების“ მხარდაჭერა.„ბ-ნო შს მინისტრო, ქვეყანაში ისედაც ძალიან რთული პოლიტიკური ფონია, „მარშისტები“ თქვენს მხარდასაჭერად კონტრაქციის მოწყობას გეგმავენ, ჩემი გულწრფელი რჩევაა, არ მიიღოთ ეს მხარდაჭერა და არ მისცეთ უფლება „მარშისტებს“ თქვენს დასაცავად კონტრაქცია მოაწყონ და ახალგაზრდებს დაუპირისპირდნენ !
ისედაც მძიმე ტვირთი გაქვთ 20 ივნისის ღამის სახით და ნუ დაიმატებთ პრობლემებს!“ - წერს კილაძე სოციალურ ქსელში.

ამასთან, სოციალურ ქსელში გახარიას მხარდამჭერები ავრცელებენ პეტიციას და მოსახლეობას მოუწოდებენ, რომ შს მინისტრის არგადადგომის მოთხოვნას ხელი მოაწერონ.

გარდა ამისა, უფლებადამცველი ინგა ბერიკაშვილი სოციალურ ქსელში წერს, რომ გახარიას მხარდამჭერი აქცია დღეს, 19:00 საათზე, რეპუბლიკის მოედანზე („რედისონთან“) გაიმართება.

„ორგანიზატორი არავინ არაა, რადგან ეს პოლიტიკური აქცია არ არისო!

ჩემმა მეგობარმა დაწერა და მე მივდივარ!

ქვეყნის მტრების ოცნებას არ უნდა მივცეთ უფლება, რომ ასრულდეს!

დავინახავ, რამდენ ადამიანს აღელვებს ქვეყნის ბედი რეალურად და არა მარტო აქ, სოციალურ ქსელში და რამდენი აყენებს საკუთარ თავზე მაღლა ქვეყანას!

#გიორგიგახარია ჩვენიმინისტრია!

#გიორგიგახარია მშვიდობის გარანტია!

#გიორგიგახარიას გადადგომა ახლა, ამ მოცემულ მომენტში ნიშნავს ნაცების ბოროტი ძალის გამარჯვებას ყველა იმ ადამიანზე, ვინც 2012 წელს ებრძოდა სისხლიან რეჟიმს!

აქვე ვამბობ, 2019 წლის 20 ივნისს ჩადენილია დანაშაული, იყო გამოყენებული გადაჭარბებული ძალა და გადამეტებული უფლებამოსილებები და აუცილებლად მოვითხოვთ მათ დასჯას, მაგრამ გიორგი გახარიას წასვლა ახლა უფრო რთულ სიტუაციაში ჩააგდებს ქვეყანას, ვიდრე არის დღეს!“ - წერს ბერიკაშვილი.