როგორც კონსტიტუციონალისტები ამბობენ, კონსტიტუციის თანახმად, ნიკა მელიას დეპუტატის უფლებამოსილება ვერ შეეზღუდება და შესაბამისად, ის პარლამენტის წევრის მანდატით გათვალისწინებული საქმიანობასაც განახორციელებს. კონსტიტუციონალისტების თქმითვე, სადეპუტატო საქმიანობის შეზღუდვა პროკურატურის მხრიდან საპარლამენტო საქმიანობაში ჩარევა იქნება

„თავიდანვე განწირულია ის მოსაზრება, რომ შეიძლება კონსტიტუციით განსაზღვრული რომელიმე საფუძველი დადგეს მისი უფლებამოსილების შეწყვეტისა,“-ამბობს კონსტიტუციონალისტი ვახო ჟვანია.

„სამწუხარო მოვლენაა,როდესაც პოლიტიკური ანგარიშსწორება ხდება ადამიანების მიმართ. მით უმეტეს, პარლამენტის წევრებმა პირველ რიგში უნდა დაიცვან ეს ინსტიტუცია, კონსტიტუცია, თუმცა რთულად წარმომიდგენია,როგორ შეიძლება სასამართლოს გადაწყვეტილებამ შეეზღუდოს პარლამენტის წევრს უფლებამოსილების განხორციელება,როდესაც ამის უფლება მას კონსტიტუცია აძლევს,“- აცხადებს კონსტიტუციონალისტი კოტე ჩოკორაია.