„ერთიანი ნაციონალური მოძრაობის“ წევრის თინა ბოკუჩავას თქმით, ივანიშვილი საკუთარი ხალხის ნაცვლად გავრილოვს და პუტინს უსმენს და მათ სურვილებს ასრულებს, მისი განცხადებით სწორედ ამის გამოვლინებაა ის, რომ ხალხის მოთხოვნის მიუხედავად კვლავ თანამდებობაზე რჩება შს მინისტრი გიორგი გახარია, ივანიშვილმა კი ოპოზიციის ლიდერების დევნა დაიწყო. აღნიშნული განცხადება ბოკუჩავამ საქალაქო სასამართლოსთან გააკეთა სადაც ენმ-ს ლიდერის ნიკა მელიას სასამართლო პროცესი უნდა გაიმართოს. ბრალდების მხარე მას 20 ივნისის ღამეს ჯგუფური ძალადობის ორგანიზებას ედავება და პროკურატურის მოთხოვნით მელიას დეპუტატის იმუნიტეტიც შეუჩერეს.

„ჩვენი საერთაშორისო პარტნიორების მხრიდან, სახალხო დამცველის მხრიდან იყო ძალიან მკაფიო განცხადებები, რომ პოლიტიკური ოპონენტების დევნით ბიძინა ივანიშვილი ჩვენს ქვეყანას ვერ გამოიყვანს ძალიან ღრმა პოლირიკური კრიზისიდან, რაშიც მან ჩვენი ქვეყანა შეიყვანა. გასაგებია, რომ ის შეშინებულია, გასაგებია, რომ ის არის პუტინის და კრემლის მორჩილებაში, მაგალითად სერგეი გავრილოვმა დაანონსა, რომ საჭირო იყო იმ ოპოზიციონერი დეპუტატების დასჯა ვინც არ დაუშვა ის პარლამენტში. მესმის რომ ივანიშვილი ვალდებულად თვლის თავს, რომ შეასრულოს გავრილოვის და პუტინის დავალება, თუმცა ახლა არის გადამწყვეტი მომენტი, რომ მან მოუსმინოს არა გავრილოვს და პუტინს არამედ საკუთარ ხალხს, თანამდებობიდან გადააყენოს ჯალათი გიორგი გახარია, ნაცვლად იმისა, რომ დაიწყოს ოპოზიციაზე დევნა.“- განაცხადა თინა ბოკუჩავამ.