საქალაქო სასამართლოში ცოტახანში ნიკა მელიას საქმის განხილვა დაიწყება.

ადგილზე მივიდა საქმის პროკურორი, ამირან გულუაშვილი, რომელმაც განაცხადა, რომ საკმარისი მტკიცებულებებია იმისთვის, რომ ნიკა მელიას დაკავება მოხდეს.

„მხედველობაში მიიღება ის გარემოება, რომ მან სხვა სისხლის სამართლის საქმეზე შეაფრდებული გირაო აღკვეთის ღონისძიება, რომელიც მის მიმართ არის გამოყენებული, დაარღვია, მიუხედავად კანონისმიერი ვალდებულებისა, გუშინ არ გამოცხადდა ბრალდების შესახებ დადგენილების გასაცნობად და ჩასაბარებლად. რაც შეეხება მტკიცებულებებს, საქმეზე, ამ ეტაპზე სამართლებრივი პროცედურა გულისხმობს, სასამართლოს მხრიდან, მათ შორის, მტკიცებულებების შეფასებას და იმის განსაზღვრას, რამდენად არსებობს დასაბუთებული ვარაუდის სტანდარტი" - აღნიშნა გულუაშვილმა.