"ერთიანი ნაციონალური მოძრაობა" მომავალი კვირიდან ე.წ. გავრილოვის სიაზე მუშაობას იწყებს. ამის შესახებ, სალომე სამადაშვილმა ისაუბრა.

მისი თქმით, სიაში იმ ადამიანების ჩამონათვალი იქნება, რომლებიც ქვეყანაში საფრთხეს საქართველოს დემოკრატიას უქმნიან.

"მუშაობას დავიწყებთ როგორც პარლამენტში, ისე საერთაშორისო თანამეგობრობასთან, რათა შედგეს ე.წ. გავრილოვის სია იმ ხალხის ჩამონათვალით, რომელიც დღეს ქვეყანაში საფრთხეს უქმნის საქართველოს დემოკრატიას, რომელიც ფაქტობრივად, გზას უხსნის ქვეყნის შემდგომ ოკუპაციას რუსეთის მხრიდან და მოითხოვს ამ ადამიანების წინააღმდეგ შესაბამისი ზომების გატარებას. ყველა დეტალს გაცნობებთ მაშინ, როდესაც დავიწყებთ ამ კონკრეტულ სიაზე მუშაობას" - აღნიშნა სამადაშვილმა.