პროკურატურა სასამართლოს მიმართავს - ნიკა მელია შესაძლოა დღესვე დააკავონ

პოლიტიკა - 09:30, 27 Jun, 2019

1093

ნიკა მელიასთვის აღკვეთის ღონისძიების სახით პატიმრობის შეფარდებას პროკურატურა დღეს სასამართლოსგან მოითხოვს. ოპოზიციის ერთ-ერთ ლიდერს სავარაუდოდ დღესვე დააპატიმრებენ.

ნიკა მელიას ადვოკატი პროცესზე არასაპატიმრო, ან ნაკლებად მკაცრი აღკვეთის ღონისძიების შუამდგომლობის დაყენებას აპირებს.

"ყველა, ვინც საკუთარ თავში იპოვა ძალა, რომ მიიღო ის გადაწყვეტილება, რომელიც შესაბამისობაში მოდიოდა მის სურვილთან, რბილად რომ ვთქვათ, არ ინანებს საკუთარ სინდისთან, როგორც მინიმუმ. ძალიან ბევრს ჰქონდა იმის სურვილი, რომ მწვანე ღილაკისთვის ხელი არ დაეჭირა, ძალიან ბევრს, მაგრამ ვერ შეძლეს. ბრალდება იმდენად სამართლებრივად აბსურდულია, არავითარი მასობრივი არეულობა, გადატრიალება, ჯგუფური ორგანიზება ძალადობის, ნიკანორ მელიას მხრიდან არ ყოფილა. ამაზე მეტყველებს ის მტკიცებულებებიც, რომელიც ჩვენ გადმოგვეცა. ჩვენ რა თქმა უნდა ვიშუამდგომლებთ, რომ აღკვეთის ღონისძიების გარეშე დარჩეს, თუმცაღა ალტერნატივის სახით ალბათ, დავაყენებთ ნაკლებად მკაცრ აღკვეთის ღონისძიებას. ეს კიდევ იმის მეტყველად, რომ ნიკანორ მელია არ გაურბის მართლმსაჯულებას,"-აცხადებს გიორგი კონდახაშვილი.