„ნიკა მელიამ ითხოვა,რომ არ ვახსენოთ... არ აქვს მნიშვნელობა, მოგვწონს თუ არ მოგვწონს, არ დავტოვებთ არცერთ ადამიანს მარტოს“- მიშა მშვილდაძის გამოსვლა აქციაზე

პოლიტიკა - 22:19, 26 Jun, 2019

1290

პარლამენტის წინ მიმდინარე აქციის მეშვიდე დღეს მიშა მშვილდაძის გამოსვლის ერთ-ერთი მთავარი თემა პარლამენტის დეპუტატის ნიკა მელიასთვის იმუნიტეტის მოხსნა იყო, მიშა მშვილდაძის თქმით, სისტემასთან ბრძოლაში მარტოს არავის დატოვებენ, მიუხედავად იმისა, რომ ნიკა მელიამ ითხოვა რომ ის აქციაზე არ ეხსენებინათ:

„ნიკა მელიამ თქვა, რომ თვითონ დაიცავს თავს და ითხოვა,რომ არ ვახსენოთ ამ აქციაზე, მაგრამ რა იქნება ჩვენი ქართველობა მაშინ თუ ჩვენ ერთ ადამიანს მაინც მივატოვებთ სისტემასთან ბრძოლაში მარტო. მიუხედავად იმისა მოგვწონს თუ არ მოგვწონს ეს ადამიანი, რა იქნებოდა ჩვენი ქართველობა მაშინ თუ ფეხებზე დავიკიდებთ სისტემის მიერ ჩაგრულ ადამიანს. ყველას აქვს დაცვის უფლება დამნაშავესაც და უდანაშაულოსაც. ჩვენ არ დავტოვებთ არავის ყურადღების გარეშე, ვერავინ ვერავის ვეღარ დაჩაგრავს, მიუხედად იმის რამდენ ადამიანს მოსწონს და არ მოსწონს. ეს არის მთავარი, რისთვისაც ვიბრძვით აქ, რომ ერთი გაბატონებული კლასის ნაცვლად ახალი სხვა კი არ გავაჩინოთ. არა, თანასწორობა ყველასთვის.“- განაცხადა მიშა მშვილდაძემ.