"შევიკრიბებით უმრავლესობის ფორმატში და ვიმსჯელებთ" - უმრავლესობაში ფაქტობრივად ადასტურებენ, რომ რომან კაკულია უმრავლესობის რიგების დატოვებას აპირებს

პოლიტიკა - 21:55, 26 Jun, 2019

1091

"ქართული ოცნების" დეპუტატი გია ვოლსკი ფაქტობრივად ადასტურებს, როპმ მმართველი გუნდი იმ დეპუტატების შესახებ, რომლებმაც დღეს, ნიკა მელიასთვის იმუნიტეტის შეჩერებას მხარი არ დაუჭირა, პარტიაში იმსჯელებსნ.

"შევიკრიბებით უმრავლესობის ფორმატში და ვიმსჯელებთ გარემოებათა გამო, თუ რატომ მიიღო ესა თუ ის გადაწვეტილება ამა თუ იმ დეპუტატმა"- განაცხადა ვოლსკიმ.

კითხვაზე - ადასტურებს თუ არა, რომ რომან კაკულია ტოვებს "ქართულ ოცნებას" ვოლსკი პასუხობს რომ :"ვიცი, რასაკვირველია".

„ამასთან დაკავშირებით, ჯერ არ გვქონია საუბარი. გვექნება რასაკვირველია. შევიკრიბებით უმრავლესობის ფორმატში და ვიმსჯელებთ გარემოებათა გამო, თუ რატომ მიიღო ესა თუ ის გადაწვეტილება ამა თუ იმ დეპუტატმა, თუმცა ერთი ვიცი დანამდვილებით, რომ ბექა ოდიშარიამ გაავრცელა ინფორმაცია იმის თაობაზე, რომ იქ რაღაც გაუგებრობა მოხდა კენჭისყრის პროცესში და ოფიციალურად, თავის პოზიცია დააფიქსირა კანცელარიის მეშვეობით,“ - განაცხადა გია ვოლსკიმ.

დეპუტატი პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარის შესახებაც საუბრობს, რომელმაც ნიკა მელიასთვის დეპუტატის იმუნიტეტის შეჩერებას მხარი არ დაუჭირა.

„ამასთან დაკავშირებით, როგორ მოხდა ეს გარემოებები, თითოეულ ადამიანს უნდა მოვუსმინოთ და ესე გადაწყვეტილების მიღება, რომ ის მიდის და ის რჩება, ამის ერთადერთი მიზანი არის სკანდალური სიტუაციის შექმნა. საქმიან გარემოში ვიმსჯელებთ ამ საკითხებთან დაკავშირებით“ -განაცხადა გიორგი ვოლსკიმ.