"პასუხისმგებლობას ვგრძნობ, რომ აქ გავრილოვი იჯდა, თვალს ვერ გავუსწორებ მაკო გომურს"- აკაკი ზოიძე

პოლიტიკა - 18:53, 26 Jun, 2019

1259

"ქართული ოცნების" წევრი, აკაკი ზოიძე 20 ივნისის სისხლიან ღამეზე პასუხიმგებლობას გრძნობს თუმცა იქვე ამბობს, რომ "ნაციონალური მოძრაობაც" უნდა დაისაჯოს.
როგორც ზოიძემ პარლამენტში სიტყვით გამოსვლისას განაცხადა, მისთვის ნიკა მელიასთვის იმუნიტეტის შეჩერება მძიმე გადაწყვეტილებაა, რადგან ეს პარლამენტარიზმს აზიანებს.
პარლამენტარმა მელიას მისი გუნდის წარსული შეახსენა და უთხრა, რომ მათ "წამებითვის" ბოდიში არ მოუხდიათ:
"ძალიან მძიმე გადაწყვეტილებას ვიღებთ დღეს, ჩემთვის ეს მძიმე გადაწყვეტილებაა, უპირველეს ყოვლისა იმიტომ რომ მსგავსი გადაწყვეტილება აზიანებს პარლამენტარიზმის განვითარებას ამ ქვეყანაში, აზიანებს იმ სტანდარტებს, რომელიც პარლამენტარიზმის დამოუკიდებლობას უნდა ეხებოდეს. და არა იმიტომ რომ ჩვენს კოლეგასთან მიმართებით ნდა მივიღოთ გადაწყვეტილება. კოლეგასთან მიმართებაში პარლამენტარი, პრეზიდენტი თუ პრემიერ-მინისტრი კანონის წინაშე თანასწორია და პარლამენტარს პრივილეგია არ უნდა ჰქონდეს, რომ დაარღვიოს კანონი მით უმეტეს ისეთ სერიოზულ დანაშაულზე, რაზეც საუბარია, რაც არის სახელმწიფო გადაატრიალება თუ ძალადობრივი შეჭრა პარლამენტში.
ჩემთვის ბატონი ნიკას, როგორც კოლეგის მიმართ პატივისცემა დამთავრდა იქ, როდესაც მან ხელის აწევით წაიყვანა შეიარაღებულ სპეცრაზმზე სპეცსაშუალებებით ის ახალგაზრდები, რომლებიც გულანთებული პროტესტით, ალალად მშვიდობიან დემონსტრაციას ატარებდნენ. მელიამ ძალიან კარგად იცოდა რა შედეები მოჰყვებოდა ამ ყველაფერს, ძალიან კარგად იცოდა მისი განათლების ადამიანმა. უშიშროების აკადემიაში რასაც ასწავლიან. მაგრამ ძალაუფლების დაუოკებელი ჟინით შებყრობილი მისი პატრონი, რომელიც იქიდან ბრძანებებს იძლეოდა და ის პოლიტიკური ძალა, რომელაც ის წარმოადგენს. ალბათ არ დაგიდებთ არც გვამებს, არც ახალგაზრდების დასახიჩრბას არც გამოთხრილ თვალებს. ეს იყო ი მიზეზი რაც იქ მოხდა.
ბატონო ნიკა, მე ფართოდ გახელილი ვალებით გაგისწორებთ მზერას, მაგრამ მზერას ვერ გავუსწორებ, დღის წინ ვერ გავუსწორე , ვერც მომავალში გავუსწორებ მაიკო გომურს, მუხედავად იმისა, რომ ცალი თვალი აქვს მხოლოდ. იმიტომ რომ ჩემ წილ პოლიტიკურ პასუხისმგებლობას ვგრძნობ, რომ იქ გავრილოვი იჯდა და მეორე პოლიტიკურად ამ შავ ჭირს ვერ ამოგაშლევინეთ ამ ქვეყნის პოლიტიკური ცხოვრებიდან კვალი და ის რაც დღეს მივიღეთ. მეც პირადად ვარ ამაში დამნაშავე და სიცოცხლის ბოლომდე გამყვება ეს დანაშაული, როცა ის ახალგაზრდები, ის პოლიციელები ასეთ დღეში აღმოჩნდნენ.
ასე რომ ძალიან გთხოვთ, ნუ გვაცოდებთ თავს. თქვენ დაგვიჭერდით, დაგვხვრეტდით, გვაწამებდით. აღარ მინდა ამაზე გადაყოლა, მაგრამ მთავარს ვიტყვი - ვიღაცამ უნდა აიღოს პასუხისმგებლობა და უნდა ისწავლონ პასუხისმგებლობის აღება. 9 წელი აწამებდით და ერთი ბოდიში არ მოიხადა თქვენმა პოლიტიკურმა ჯგუფმა. პასუხი უნდა აგოთ"- განაცხადა მან.