"დაზომბებული დეპუტატები გავრილოვის და პუტინის მოთხოვნით სჯიან მელიას და ანადგურებენ ქვეყანას, ახალი თაობა გაწმენდს პოლიტიკურ ველს“- შაშკინი

პოლიტიკა - 17:00, 26 Jun, 2019

909

ცოტა ხნის წინ, გაერთიანებული კომიტეტების სხდომაზე, უმრავლესობის წევრებმა "ერთიანი ნაციონალური მოძრაობის" ერთ-ერთი ლიდერის ნიკა მელიასთვის იმუნიტეტის მოხსნას მხარი დაუჭირეს.

თავდაცვის ყოფილი მინისტრი, დიმიტრი შაშკინის თქმით, აღნიშნული ქმედებით "ქართული ოცნება" კიდევ ერთხელ ამტკიცებს, რომ ასრულებს სერგეი გავრილოვისა და კრემლის დავალებებს.

როგორც შაშკინმა "ნიუპოსტთან" საუბრისას განაცხადა თუკი, ხელისუფლება 2012 წლის დასაწყისში რუსეთთან შეთანხმებულად მოქმედებას ფარულად აკეთებდა, დღეს ამას აღარ მალავს და ღიად მოქმედებს.

"მგონი ყველა ადექვატურ ადამიანს ესმის, რომ „ქართული ოცნების“ მთავრობა და ბიძინა ივანიშვილი ასრულებს რუსეთის დავალებებეს. ბევრს არ სჯეროდა, როდესაც ჩვენ ვსაუბრობდით ამაზე, თუმცა 2012 წლის დასაწყისში ისინი ამას აკაეთებდნენ ფარულად და ახლა ამას აკეთებენ ღიად და დაუფარავად. მინდა შეგახსენოთ, რომ ზუსტად ამ მთავრობამ გადასცა ჩვენი აგენტურა, რუსეთის ფედერაციას და ეს ადამიანები იყვნენ დასჯილები. ამ მთავრობამ გადასცა ჩვენი გმირი ოფიცრების შესახებ, ინფორმაციები, რომლებიც ომობდნენ 2008 წლის ომში და ნაწილი ამ ხალხის არის მოკლული, ნაწილი დაკავებული და ნაწილი იმალება სხვადასხვა ქვეყანაში ამას ივანიშვილის ხელისუფლება აკეთებდა ფარულად, ახლა უკვე აკეთებს ღიად. ორი წლის წინ, გავრილოვმა და რუსეთის ფედერაციის მთავრობამ, რასაც დღესაც იმეორებენ, მოითხოვეს ჩვენი ოპოზიციური დეპუტატების დაკავება, რომელთაც გაამწარეს და გააგდეს რუსეთის ფედერაცია ქვეყნიდან გავრილოვი, ეს არის პირდაპირი დაკვეთა პუტინის, გავრილოვის, რომელსაც ასრულებს „ქართული ოცნება“ და დაზომბირებული პარლამენტის წევრები, იმიტომ რომ იქცევიან როგორც ზომბები, არც ფიქრობენ რომ ანადგურებენ ქვეყნის ფუნდამეტს, ყველამ თავის თავს უნდა დაუსვას შეკითხვა, რუსეთის მოთხოვნა პარლამენტის დეპუტატში ასე, რომ ჟღერდება რა ელოდება ყველა ჩვენს მოქალაქეს რომელსაც არ იცავს დეპუტატის მანდატი, ყველა ქართველმა თავის თავს უნდა დაუსვას ეს შეკითხვა, თუ ნიკა მელიას ამას უშვები, ოპოზიციური პარტიის ერთ-ერთ ლიდერს, პარლამენტის წევრს, სჯიან რუსეთის მოთხოვნით, რას უზამენ ყველა ჩვენს თანამოქალაქეს? - ამის შემდეგ, პასუხი იქნება ერთი, შეიძლება, რომ ეს ხელისუფლება დარჩეს მთავრობაში" - განაცხადა შაშკინმა.

კითხვაზე რა შეიძლება იყოს ხელისუფლების შემდგომი ნაბიჯი და დასრულდება თუ არა ნიკა მელიას დაკავებით, ყოფილი თავდაცვის მინისტრი ამბობს, რომ ქმედებები, რომელსაც "ქართული ოცნება" ახორციელებს მხოლოდ და მხოლოდ მოსახლეობის დაშინებას ემსახურება.

"დღეს ხელისუფლება დაკავევებს ახორციელებს უხეშად, უტიფრად, იმისთვის რომ დათესონ შიში მოსახლეობაში იმისთვის, რომ ღიად და დაუფარავად უთხრან მოსახლეობას თუ ამას ვუშვები შენ რას გიზამ? - ანუ ეს არის მიზანი, შიშის დათესვა დიქტატურის წინაშე, ქართველებს დიქტატურის არ ეშიანია, ქართველმა ერმა ეს აჩვენა საუკუნეების განმავლობაში, თუმცა ეს არ ესმის ბიძინა ივანიშვილს და „ქართულ ოცნების“ წევრებს, ქვეყანაში გაიზარდა თაობა, რომელსაც საბჭოთა კავშირში არ უცხოვრია, რომელთაც 37 მანეთად რუსეთში არ უფრენიათ და ეს არც აინტერესებთ. ეს არის ახალი თაობა- ახალი ტალღა, რომელიც გაწმინდავს „ქართული ოცნების“ პოლიტიკურ ველს“ - აღნიშნა დიმიტრი შაშკინმა.