ნიკა მელიას თქმით, მთავარი კითხვა დღეს არის არა ის რომ მას დააკავებენ თუ არა არამედ ის რომ ქართველი დეპუტატების დაკავების მოთხოვნა მოდის რუსეთიდან და ივანიშვილი მზადაა მის ბატონ პუტინს ეს სურვილი შეუსრულოს:

„იმას რაც ახლა ხდება მე სახელს არ დავარქმევ , მე მგონი ყველა თავისთვის გააკეთებს დასკვნას, უბრალოდ ძალიან შემაშფოთებელია, რატომ კეთდება ეს ასე გაშმაგებულად, არა ბიძინა ივანიშვილის ხუშტურების გამო, ბიძინა ივანიშვილი ამ ყველაფერიში არაა საკვანძო ფიგურა, გავრილოვი პირდაპირ ითხოვს დეპუტატების დასჯას მოსკოვიდან და მივხვდებით რასთან გვაქვს საქმე. პუტინის ხელის ბიჭი ბიძინა ივანიშვილი არის მონურ მორჩილებაში პუტინთან, მას თავის მხრივ ყავს სხვები მონურ მორჩილებაში, და ხედავთ ეს ადამიანები პარლამენტში და სხვა უწყებებში რას აკეთებენ. ეს დღეს ხომ არ დაწყებულა ათწლეულებია მიმდინარეობს, რამდენჯერ სცადა რუსეთმა თავისი იმპერიალისტური ზრახვების შესრულება იმდენჯერ წაიმტვრია კისერი. ინფორმაციის ვაკუუმში არ ვართ და ყველანი სწორ დასკვენებს გავაკეთებთ. მათიკაშვილზე, ოხანაშვილზე, ყაველაშვილზე და სხვებზე ნუ მკითხავთ, ესენი ჭანჭიკებიც კი არ არიან იმ მექანიზმში სადაც პუტინი და მისი წარმომადგენელი ივანიშვილი არიან. ყველაზე ცოდო და რთულ მდგომარეობაში არის ბიძინა ივანიშვილი, არა იმიტომ რომ მოსახლეობის წინააღდეგ წავიდა, არამედ იმიტომ რომ იმის გაკეთებას აიძულებს პუტინი, რისი გაკეთებაც შესაძლოა თვითონაც არ უნდოდეს.“-აღნიშნა ნიკა მელიამ.

კითხვაზე შესაძლებელია თუ არა, რომ საქართველოს პარლამენტის დეპუტატი პარლამენტში ხელბორკილებით იხილონ, ნიკა მელიამ რომან გოცირიძის ხუმრობა გაიმეორა:

„თმის ღერი არ ჩამომვარდება თავიდან“- განაცხადა მელიამ.

შეგახსენებთ, რუსეთის დუმის დეპუტატი სერგეი გავრილოვი, რომლის საქართველოს პარლამენტში გამოსვლასაც ქვეყანაში მღელვარება მოჰყვა, გავრილოვი ყველა გადაცემაში დაჟინებით ითხოვს საქართველოს ხელისუფლებისგან რომ დაკავებულები იქნენ ეს „რადიკალები“ და განსაკუთრებით აქცენტი კეთდება პარლამენტში გაკეთებულ განცხადებაზე, ის კონკრეტულად ითხოვს აღიძრას საქმე იმ პოლიტიკოსის მიმართ, რომელმაც მისი თქმით, რუსეთის დელეგაციის მიმართ გააჟღერა მუქარა „გკლავდით და ისევ მოგკლავთ“