გაერთიანებული კომიტეტის სხდომა ხმაურის ფონზე მიმდინარებს.

სხდომაზე, სადაც ნიკა მელიას სადეპუტატო იმუნიტეტის შეჩერებას განიხილავენ, ოპოზიცია პროკურორისგან საქმის მასალების გაცნობას ითხოვს.

"ჩვენ უნდა მივიღოთ გადაწყვეტილება ჩვენი კოლეგის პატიმრობაზე მივცეთ თანხმობა თუ არა. მე წარმოგიდგენთ კრიტერიუმებს, რა უნდა იყოს გათვალისწინებული იმუნიტეტის მოხსნისთვის ვენეციის კომისიის მიერ მიღებულ ჩარჩო დოკუმენტის მიხედვით, უნდა შეუნარჩუნდეს იმუნიტეტის პირს, თუ ბრალდებები არ არის აშკარად და მკაფიოდ საფუძვლიანი, ჩამორთმევა შეიძლება თუკი მოთხოვნა ეყრდნობა გულწრფელ და სამართლიან საფუძვლებს. პროკურატურა კი გვეუბნება მას ვენდოთ სიტყვაზე, რომ არსებობს მოწმეთა ჩვენებები ჩანაწერები, თუმცა ამ მტკიცებულებებს არ წარმოგვიდგენს. რა სტანდარტს ვამკვიდრებთ? ხვალ რომ მოვიდეს პროკურატურა და თქვას, რომ ანრი ოხანაშვილმა ქრთამი აიღო, ან ოთარ კახიძემ მოახდინა ავარია. ჩვენ პროკურატურას არ ვთხოვთ, რომ ზეპირი განცხადების გარდა რამე გვაჩვენოს?" - აღნიშნა "ევროპული საქართველოს" წევრმა ოთარ კახიძემ.