პეკინის ქუჩაზე, „აიპლიუსის” მაღაზიის დაყაჩაღების მცდელობისას ერთი პირი დააკავეს. შს სამინისტროში უარყოფენ გავრცელებულ ინფორმაციას მძევლების აყვანის შესახებ, უწყების ინფორმაციით დანით შეიარაღებული მამაკაცი საპატრულო პოლიციის თანამშრომლებმა ადგილზე დააკავეს. უწყების ცნობით, გამოძიება 179-ე, ყაჩაღობის მუხლით მიმდინარეობს.

მაღაზიის წარმომადგენელის თქმით, მამაკაცი მათი მაღაზიის მომხმარებელი იყო და მათი მომსახურებით ადრეც ხშირად უსარგებლია და მის მიერ დღეს დაყაჩაღების მცდელობა მათთვის მოულოდნელი იყო. შსს-ს განცხადების მიუხედავად მაღაზიის წარმომადგენელი მძევლად აყვანის ფაქტს ადასტურებს. მისი თქმით, მძარცველმა დაკავების პროცესში დიდი რაოდენობით ტექნიკა დაამტვრია. პოლიციელებმა ისე დააკავეს მძარცველი რომ მძევლის სიცოცხლეს საფრთხე არ შექმნია.