დამოუკიდებელმა დეპუტატმა ნატო ჩხეიძემ ორი კომიტეტის გაერთიანებულ სხდომაზე, რომელზეც ნიკა მელიასთვის იმუნიტეტის მოხსნაზე მსჯელობენ, ივანიშვილს დაცემული ანგელოზი უწოდა.

„მუდმივად ისმის ის ცხრა წელი და ახლა უკვე ეს შვიდი წელი. მე ვისურვებდი, რომ ღილაკზე ხელის მიჭერის დროს ყური დაუგდოთ იმ პატარა ღმერთს და არა - ბიძინა ივანიშვილს, რომელიც მხოლოდ დაცემული ანგელოზია,“ - მიმართა ჩხეიძემ უმრავლესობას.

„მე ის 9 წელიც კარგად ვიცი და ის შვიდი წელი და იმის წინანდელი 11 წელიც კარგად ვიცი, არცერთ თქვენგანს ჩემთან სასაყვედურო არ გაქვთ და ნუ შემაწყვეტინებთ საუბარს, იქით არის ყველა ხელისუფლება ჩემთან ვალში.

გასაგებია, რომ ივანიშვილს დროის შეჩერება უნდა და თქვენც ხელს უწყობთ ამაში, მაგრამ იმ გადაწყვეტილებით, რომ მთელ ამ მოვლენებში ნიკა მელიაა ბრალდებულ და ხელისუფლება არავინ, გუშინ ბატონმა ზოიძემ თქვა, ყველანი ვართ ბრალეულები და მეცო, რიხით ამბობდა, კონკრეტულად ვინ, ბატონი ზოიძე? - მაშინ დატოვოს მანდატი.

არ არსებობს ერთი პასუხისმგებელი ოპოზიციიდან და ზოგადი კოლექტიური პასუხისმგებლობა ხელისუფლებიდან. ამ გადაწყვეტილებით, რასაც აპირებთ, საზოგადოებაში მხოლოდ პოლარიზაციასა გაზრდით, თქვენ ზრდით დაჩქარებას იმის, რისი შეჩერებაც გინდათ. პარლამენტის ვალია სამოქალაქო მშვიდობა. “ - განაცხადა ნატო ჩხეიძემ.

მისივე თქმით, „ოცნება“ პროკურატურას საჯიჯგნად უგდებს და ამით მას გმირად აქცევს.

„როცა ჩვენი კოლეგა პარლამენტარები, „ოცნებელები“ ამბონე, რომ სახელმწიფო გადატრიალება მზადდებოდა და ნიკა მელია შემოვიდოდა გარედან, სასეიო დარბაზში მყოფი დეპუტატები დახვდებოდნენ და აიღებდნენ ხელისუფლებასო, იმ სასესიო დარბაზში მეც ვიყავი, მაგრამ ისეთი შტაბეჭდილება მექმნება, რომ სასესიო დარბაზში კი არ ვიყავი, ტროას ცხენი შემოვიდა პარლამენტში და მე იმ ტროას ცხენში ვიჯექი. რა ფანტაზიებს და ილუზიებს ქმნით იმისთის, რომ გადაფაროთ ყველაფერი და მერე შემოგვთვაზოთ სიყალბე. ის, რაც პარლამენტში ახლა უნდა მოხდეს, არის გაგრძელება ძალადობის და უსამართლობის. აქედან გამომდინარე, იმის დაჩქარება, რისი შეჩერებაც გინდათ,“ - განაცხადა ჩხეიძემ და იკითხა, რა გადატრიალება მზადდებოდა და თუ მზადდებოდა, მყისიერად მომზადდა ან ამის შესახებ სუსმა იცოდა თუ არა რამე.