"ხელისუფლებამ დაიწყო ბოლშევიკური ტერორი" - გაერთიანებული ოპოზიციის საგანგებო ბრიფინგი

პოლიტიკა - 20:40, 25 Jun, 2019

699

გაერთიანებულმა ოპოზიციის საგანგებო ბრიფინგი პარლამენტის წინ საგანგებო - გრიგოლ ვაშაძის განცხადებით, ხელისუფლება გადავიდა ბოლშევიკურ ტერორზე .

გაერთიანებული ოპოზიციის ლიდერის თქმით, ის რაც დღეს ხდება საქართველოში, ამას ხელისუფლებას სამოქალაქო საზოგადოება არ აპატიებს.

„იმის მაგივრად, რომ სამოქალაქო საზოგადოებასთან ამ კოლაბორაციონისტურ ხელისუფლებას დაეწყო პირდაპირი პოლიტიკური დიალოგი, ამის მაგივრად დაიწყო ბოლშევიკური ტერორი. უკვე გამოაცხადეს, რომ აპატიმრებენ კონსოლიდირებული ოპოზიციის ერთ-ერთ ლიდერს, ნიკა მელიას. დამიჯერეთ, ეს ბოლო დაპატიმრება არ არის. თუ შედგა ეს დაპატიმრება, ამას კიდევ ბევრი სხვა დაპატიმრება მოჰყვება. იმიტომ, რომ ყველაზე მთავარი ახლა განწირული ხელისუფლებისთვის არის ყურადღების გადატანა ძიძგილაობაზე, დაპირისპირებაზე, ქუჩაში ერთმანეთის თავპირის მტვრევაზე. ნიკა მელიას ქმედებაში არ იყო არავითარი სისხლის სამართლის დანაშაული, ნიკა მელია გამოიტანეს ხელით პარლამენტიდან და ჩამოუშვეს ქვემოთ ქუჩაში და ადამიანმა ერთადერთი, რაც თქვა იყო ის, რომ საქართველოს მოქალაქეს აქვს უფლება, შევიდეს ამ შენობაში, რომელსაც ჩვენი ხელფასით ვინახავთ,“ - განაცხადა გრიგოლ ვაშაძემ.

„არაფერი აღარ უშველის ამ ხელისუფლებას. აღმოჩნდა, რომ სახალხო პროტესტის მეექვსე დღეს მათ ვერ გაიგეს ერთი რაღაცა. ნიკა მელიას, "ერთიან ნაციონალურ მოძრაობას", გაერთიანებულ ოპოზიცია და კონსოლიდირებული ოპოზიცია კი არ არიან დაპირისპირებულები, არიან დაპირისპირებულები საქართველოს მოქალაქესთან," - აღნიშნა ვაშაძემ.