"ბარიერი 2024 წლიდან ძალაში იქნება" - პარლამენტის ახლადარჩეული თავმჯდომარე

პოლიტიკა - 18:20, 25 Jun, 2019

1707

საქართველოს პარლამენტის ახლადარჩეული თავმჯდომარე, არჩილ თალაკვაძე აცხადებს, რომ 2020 წლის არჩევნების ბარიერის გარეშე ჩატარდება, 2024 წელს კი ბარიერი შენარჩუნებული იქნება:

„ეს აძლევს შესაძლებლობას ყველა პოლიტიკურ პარტიას, საზოგადოებრივ გაერთიანებას, რომელსაც აქვს კონკრეტული იდეოლოგია, ვისაც შეუძლია, მხარდამჭერების მობილიზება და მონაწილეობა არჩევნებში, რომ თავისი წარმომადგენელი ჰყავდეს პარლამენტში. ეს ცვლილება რეალურად თანაბარ სასტარტო პირობებში აყენებს ყველა პოლიტიკურ პარტიას და შემოაქვს სრულად პროპორციული სისტემა საქართველოში. ერთადერთი, ვისაც შეიძლება ნულოვანი ბარიერი არ მოსწონდეს, ეს არის ძირითადად „ნაციონალური მოძრაობა“ და მისი ერთი ჯგუფი, რომელიც დისკრედიტებულია. ამ წამყვან ჯგუფს დღეს ბატონი სააკაშვილის ხელმძღვანელობით არ აწყობს ნულოვანი ბარიერით არჩევნები, რადგან ისინი კარგავენ ძალადობრივ მონოპოლიას და ექსკლუზივს ოპოზიციაში. რითაც ისინი აიძულებდნენ სრულიად განსხვავებულ ოპოზიციურ პარტიებს და ლიდერებს, რომ მაინცა და მაინც მათთან ერთად ემოქმედათ. ამიდან ხუთ პროცენტამდე ბარიერი საუკეთესო ევროპული პრაქტიკაა, ეს კონსტიტუციაში უკვე წერია და რა თქმა უნდა, 2024 წლიდან ძალაში იქნება ბარიერი“- განაცხადა არჩილ თალაკვაძემ.