"კობახიძეს ვკითხე, ხომ არ ჯობია, უფრო მოკრძალებულად შევიკრიბოთ, მითხრა, არა, აუცილებლად პარლამენტში უნდა შევიკრიბოთო"- გავრილოვი

პოლიტიკა - 17:14, 25 Jun, 2019

2825

რუსეთის დუმის დეპუტატი, სერგეი გავრილოვი რუსულ მედიასთან 20 ივნისს განვითარებულ მოვლენებზე კიდევ ერთხელ საუბრობს.

მისი თქმით, პომპეზური დახვედრა და პარლამენტში ასამბლეის ჩატარება ირაკლი კობახიძის ინიციატივა იყო. გავრილოვის თქმით, მან პარლამენტის თავმჯდომარეს შეთავაზა, რომ შეხვედრა მოკრძალებულად ჩატარებულიყო, რაზეც ირაკლი კობახიძისგან უარი მიიღო.

„პარლამენტის თავმჯდომარემ მითხრა, რომ ყველაზე მაღალი დონის დახვედრას მოგვიწყობთო, ველოდებით თქვენს ფორუმს, ვერ წარმოვიდგენდით, რომ მსგავსი რამ მოხდებოდა და ამას ორი მთავარი გარემოება აქვს. ერთის მხრივ, იმიტომ, რომ ქართველმა ლიდერებმა, საქართველოს ხელმძღვანელმა პირებმა სტუმართმასპინძლობა გამოიჩინეს. პარლამენტის თავმჯდომარემ მითხრა, რომ ყველაზე მაღალი დონის დახვედრას მოგვიწყობთო, ველოდებით თქვენს ფორუმს, რადგან ის ძალიან კარგად იმოქმედებს მსოფლიოში საქართველოს ავტორიტეტზე და რეიტინგზე. მოცემული იყო წერილობითი გარანტიები, როგორც უსაფრთხოების, ასევე მასპინძლობის შესახებ. მაშინ ვკითხე, ხომ არ ჯობია უფრო მოკრძალებულად შევიკრიბოთ და ჩავატაროთ ღონისძიება. მან მითხრა, არა - აუცილებლად პარლამენტში უნდა შევიკრიბოთო, მხოლოდ პარლამენტში, საუკეთესო დარბაზში, თქვენ წაიყვანთ პრეზიდიუმიდანო, ჩამოიყვანეთ ცოლები, შვილები, რომ ყველამ ნახოს, რამდენად შესანიშნავი ქვეყანაა საქართველო, როგორი მასპინძლობა ვიცით და რომ ნამდვილი ევროპული ქვეყანა ვართო,“ - განაცხადა გავრილოვმა „ენტევესთან" ინტერვიუში.