პარლამენტის წევრი, ფეხბურთის ფედერაციის პრეზიდენტი ლევან კობიაშვილი ოკუპაციასთან დაკავშირებით ფეხბურთელების და საფეხბურთო კლუბების პოზიციას გამოეხმაურა. შეგახსენებთ, რამდენიმე სპორტულ ღონისძიებაზე ფეხბურთელები ოკუპაციის გასაპროტესტებელი მაისურებით გამოვიდნენ, რამაც რუსეთის გაღიზიანება გამოიწვია და მათ უეფას ქართველი ფეხბურთელების და გუნდების დასჯის მოთხოვნით მიმართეს:

„რამდენიმე დღის წინ ჩვენმა ფეხბურთელებმა და კლუბებმა სხვადასხვა ქალაქებში და სტადიონებზე დააფიქსირეს პოზიცია, რომელიც მიმაჩნია, რომ არის ერთადერთი და უალტერნატივო, მათ ხაზი გაუსვეს იმას, რომ ფეხბურთი არ არის მხოლოდ 90 წუთი და ანგარიში, გაცილებით მეტია. მინდა ამთ ჩემი მხარდაჭერა გამოვიცხადო, მიუხედავად სხვადასხვა ქვეყნებიდან მუქარისა და სხვადასხვა ორგანიზაციებში წერილების გაგზავნისა, მინდა ვუთხრა მათ რომ მე მათ გვერდით ვდგავარ და დავიცავ ჩვენი ქვეყნის, ჩვენ საერთო ინტერესებს.“- განაცხადა ლევან კობიაშვილმა