"სახეზეა ხელისუფლების სრული კრახი... ივანიშვილის ცდილობს თავი დაიძვრინოს, მაგრამ ოცნების დემონტაჟი დაწყებულია და ეს ხელისუფლება აუცილებად წავა"

"სახეზეა ხელისუფლების სრული კრახი... ივანიშვილის ცდილობს თავი დაიძვრინოს, მაგრამ ოცნების დემონტაჟი დაწყებულია და ეს ხელისუფლება აუცილებად წავა" - ბაჩუკი ქარდავა

პოლიტიკა - 11:43, 25 Jun, 2019

1114

ეროვნულ-დემოკრატიული პარტიის ლიდერის, ბაჩუკი ქარდავას თმით, ბიძინა ივანიშვილი პროპორციული საარჩევნო სისტემაზე დათანხმებით ქვეყანაში შექმნილი უმძიმესი პოლიტიკური კრიზისიდან გამოსვლას ცდილობს.
"სახეზეა ბიძინა ივანიშვილის ხელისუფლების სრული კრახი, ქვეყანაში პოლიტიკური კრიზისია. ბუნებრივია ივანიშვილი ჯერ კიდევ ცდილობს თავი დაიძვრინოს ამ კრიზისიდან და სწორედ ამას ნიშნავდა მისი მხრიდან პროპორციულ საარჩევნო სისტემაზე თანხმობა. მან თავის განცხადებაში ფაქტობრეივად აღიარა, რომ "ქართულ ოცნებას" გვაწყობდა მაჟოპრიტარული სისტემა, რადგან გამარჯვების რეალურ შანსს გვაძლევდაო. მან ფაქტობრივად აღიარებითი ჩვენება მისცა იმასთან დაკავშირებით, რომ თუ არჩევნები შერეული სისტემით ჩატარდებოდა, ეს არჩევნები არ იქნებოდა სამართლიანი"- განაცხადა ქარდავამ.

გაერთიანებული ოპოზიცია "ძალა ერთობაშიას" ერთ-ერთი ლიდერის განცხადებით, "ქართველი ახალგაზრდების ბრძოლამ შედეგი გამოიღო", რაც ქარდავას შეფასებით, შსს მინისტრის გადადგომითა და საბოლოოდ ხელისუფლების ცვლილებით დასრულდება.

"პარალელურად გაგრძელდება პოლიტიკური პარტიების კონსოლიდაცია. რა თქმა უნდა პროპორციული სისტემის შემოთავაზებასთან ერთად, ივანიშვილმა სცადა ჩაედო გარკვეული მახეები პოლიტიკური პარტიებისთვის. დამერწუნებთ ეს არის საკენკი, რომელიც სუსტ მდგომარეობაში მყოფმა ოცნებამ გადმოაგდო, რომლის აკენკვას არავინ აპირებს. ივანიშვილის ხელისუფლების დემონტაჟი დაწყებულია და პროცესები ლოგიკურად დასრულდება - ეს ხელისუფლება აუცილებლად წავა. მთავარია, რომ მიღწეულია პროპორციული სისტემა. ქართული პოლიტიკური სპექტრი წლების განმავლობაში იჯდა ამ სისტემის მოსაპოვებლად. ბრძოლა ახლაც გაგრძელდება დეტალებზე. ახალგაზრდების პროტესტმა ქუჩაში შედეგი გამოიღო. ბიძინა ივანიშვილმა დაინახა - თუ ხელისუფლება არის უგუნური, შეიძლება მას ხმა ქუჩიდან გააგებინო"- თქვა ქარდავამ.