„ივანიშვილს ყელში გამოჩხერილი ჰყავს სამი-ოთხი ადამიანი და ერთ-ერთი შეიძლება მეც ვიყო“

„ივანიშვილს ყელში გამოჩხერილი ჰყავს სამი-ოთხი ადამიანი და ერთ-ერთი შეიძლება მეც ვიყო“ - ოქრუაშვილი

პოლიტიკა - 13:40, 24 Jun, 2019

1148

სამოქალაქო მოძრაობა „გამარჯვებული საქართველოს“ ერთ-ერთი ლიდერი ირაკლი ოქრუაშვილი „ქართული ოცნების“ თავმჯდომარის, ბიძინა ივანიშვილის განცხადებას ეხმაურება, რომელმაც 20 ივნისის ღამეზე საუბრისას განაცხადა, რომ დამნაშავეების დასჯა მოხდება.

„მას ყელში გამოჩხერილი ჰყავს სამი-ოთხი ადამიანი პოლიტიკური სპექტრიდან და ერთ-ერთი შეიძლება, მათ შორის, მეც ვიყო და ყველაზე მეტად მას ყელში გამოჩხერილი ჰყავს „რუსთავი 2“.

ეს არის, პირველ რიგში, დროის გაწელვის მცდელობა, რათა მან ხელისუფლება შეინარჩუნოს, ეს არის პოლიტიკური პარტიების დაქსაქსვის მცდელობა და ეს არის მათთან ვაჭრობის მცდელობა. რაც შეეხება, ივანიშვილის ზოგადად განწყობას და გადაწყვეტილებას, მას ყელში გამოჩხერილი ჰყავს სამი-ოთხი ადამიანი პოლიტიკური სპექტრიდან და ერთ-ერთი შეიძლება მათ შორის მეც ვიყო და ყველაზე მეტად მას ყელში გამოჩხერილი ჰყავს "რუსთავი 2". შემდეგი წელიწადნახევრის განმავლობაში, ის შეტევას მიიტანს, როგორც გუშინწინ ღამ მიიტანა შეტევა საკუთარ ხალხზე, შეტევას მიიტანს "რუსთავი 2"-ზე. ასე, რომ ყველანი უნდა ვიყოთ ძალიან ფრთხილად და მისი ეს კატა-თაგვობანას თამაში, ბოლოს ის კატას გამოთხრის, მე ამაში დარწმუნებული ვარ. რაც შეეხება პოლიტიკური ლიდერების დევნას, მისი გადასაწყვეტია ეს. ამაში ჩვენ ვერ შევეწინააღმდეგებით, სამართლებრივი საფუძველი მას ამის არ გააჩნია. თუმცა, ნებისმიერი სახის ასეთი ტიპის ქმედება ხელისუფლების მხრიდან, ავტომატურად გააღრმავებს უფრო მეტად პოლიტიკურ კრიზისს ქვეყანაში, უფრო მეტად დააჩქარებს მისი ხელისუფლებიდან წასვლას,“- ამბობს ოქრუაშვილი.