"ოზურგეთის მერიის ადმინისტრაციული და შესყიდვების სამსახურის უფროსმა, პოლიციას 20 ივნისის მოვლენების გამო ხალხის გადამრჩენელი უწოდა, მას არ აქვს უფლება მუშაობა განაგრძოს დაკავებულ თანამდებობაზე"

პოლიტიკა - 23:38, 23 Jun, 2019

1262

ოზურგეთის მერიის ადმინისტრაციული და შესყიდვების სამსახურის უფროსმა, მაგული გუგულიამ პოლიციას, 20 ივნისის მოვლენების გამო ხალხის გადამრჩენელი უწოდა - ამ ფაქტს "ერთიანი ნაციონალური მოძრაობის " ლანჩხუთის ორგანიზაციის აღმასრულებელი მდივანის, გივი ცინცაძის, მხრიდან მწვავე შეფასება მოყვა.

როგორც სირაძე ამბობს, მაგული მირღულიას არ აქვს უფლება მუშაობა განაგრძოს დაკავებულ თანამდებობაზე და მიიღოს ბიუჯეტიდან წელიწადში 18 000 ლარი.

"ქვეყნის მოღალატეთა და ფულზე გაყიდულთა სია კიდევ ერთმა "ქართული ოცნების" წარმომადგენელმა - მაგული კუნჭულიამ შეავსო. პრინციპში არც გამკვირვებია მუქთახორა და ფულს დახამებულისგან იმ კომენტარის გაკეთება რომლითაც იგი პოლიციას, რომელმაც თვალები დასთხარა და დაასახიჩრა ახალგაზრდა გოგო-ბიჭები, ხალხის გადამრჩენელს უწოდებს. როგორ ბედავს ეს უტიფარი არსებულ პროტესტში მონაწილე გულანთებულ ახალგაზრდობას, რომელთაც მისგან განსხვავებით სულ ცალ ფეხზე ჰკიდიათ რუსეთი და მის აგრესიას არ ეპუებიან, უთავმოყვარეებს და ქვეყნის ამაოხრებლებს უწოდებს. "დაგცხა" მაგული კუნჭულიავ თბილი ადგილის და ხელფასის დაკარგვის გამო ალბათ. ისე კარგად ხარ მოკალათებულნი ხომ? უფრო მეტად "დაგცხება", როცა გაიგებ, რომ იმაზე ადრე მოგიწევს თანამდებობის დატოვება ვიდრე წარმოგიდგენია. მივმართავ სარიშვილს - ეყოს გამბედაობა და გამოიჩინოს ვაჟკაცობა, რომ მოაშოროს თანამდებობას ეს ქვეყნის გამყიდველი და მოღალატე ვინაიდან მას არანაირი მორალური უფლება აღარ აქვს იკავებდეს რაიმე, მითუმეტეს "ადმინისტრაციული და შესყიდვების სამსახურის უფროსის" თანამდებობას და ბიუჯეტიდან წელიწადში 18 000 ლარს იღებდეს."-აცხადებს ცინცაძე "ნიუპოსტთან".