ცნობილი მეცოსოპრანო, ნინო სურგულაძე რუსეთის ეკონომიკური სანქციების საპასუხოდ წამოწყებულ კამპანიას "იმოგზაურე საქართველოში" შეუერთდა.

სურგულაძემ სიცილიის ქალაქ ტაორ-მინაში საერთაშორისო ლიტერატურის ფესტივალ "ტაო-ბუკის" საზეიმო გახსნის გალა კონცერტსა და დაჯილდოებაში მიიღო მონაწილეობა და დამსწრეები საქართველოში მოიწვია.

"საქართველო ულამაზესი და განსაკუთრებული ქვეყანაა, სადაც ყველას გულითადად გიმასპინძლებენ. რუსეთი ცდილობს, როგორღაც უკვე მერამდენედ დააზიანოს ჩემი ქვეყანა, მაგრამ არ გამოუვა, რადგან ჩვენ ბევრჯერ ვუთხარით არა მკვლელ რუსეთს და პირადად პუტინს. მჯერა, რომ ახლაც გავიმარჯვებთ. გელით ყველას ჩემს სამშობლოში," - აღნიშნა სურგულაძემ.