უკვე მესამე დღეა პარლამენტთან მრავალათასიანი საპროტესტო აქცია მიმდინარეობს. მოქალაქეების მშვიდობიან პროტესტს საზოგადოების სხვადასხვა სფეროს წარმომადგენლები შეუერთდნენ. იქ იმყოფებიან არასამთავრობო ორგანიზაციის წევრები, მხატვრები, მწერლები და მსახიობები.

აქციის მონაწილეების მოხოვნები უცვლელია. ისინი შს მინისტრის გადადგომას და პროპორციული წესით ვადამდელი საპარლამენტო არჩევნების ჩატარებას ითხოვენ.

აქციის მონაწილეებმა დღეს ხელისუფლებას ულტიმატუმი წაუყენეს და 20 ივნისის აქციის შემდეგ დაკავებულების გათავისუფლება მოითხოვეს. ასევე, გახარიას გადადგომისთვის ვადა დღის ბოლომდე მისცეს.