"დეკანოზი შალვა კეკელია ყველა ურჯულო დავალების შემსრულებელია...უმჯობესია ჭორვილის მონასტრის ე. წ. ,,ინციდენტს'' გასცეს პასუხი და პატრიარქთან მომხდარი უხერხულობა გაიხსენოს, რომელსაც კარგა ხანს თავად ჭორაობდა

"დეკანოზი შალვა კეკელია ყველა ურჯულო დავალების შემსრულებელია...უმჯობესია ჭორვილის მონასტრის ე. წ. ,,ინციდენტს'' გასცეს პასუხი და პატრიარქთან მომხდარი უხერხულობა გაიხსენოს, რომელსაც კარგა ხანს თავად ჭორაობდა - მამა ანდრია

პოლიტიკა - 15:13, 22 Jun, 2019

4202

დეკანოზ შალვა კეკელიას განცხადებას, სადაც ის მეუფე პეტრეს 20 ივნისის მოვლენებთან დაკავშრებით, ტყუილის თქმაში ადანაშაულებს, მღვდელმონაზონი ანდრია სარია ეხმაურება.

მღვდელმონაზონი ანდრია სარია აცხადებს, რომ 20 ივნისის ღამეს თავად იდგა ქაშვეთთან და ტაძარი დაკეტილი იყო.

მღვდელმონაზონი დეკანოზს ჭორვილის მონასტრის "ინციდენტზე" პასუხის გაცემას და პატრიარქთან მომხდარი უხერხულობის გაიხსენებას ურჩევს.
"ღიმილის მომგვრელია, რომ ეკლესიისათვის სამარცვხინო და უპასუხისმგებლო სასულიერო პირები დეკანოზ შალვა კეკელიას სახით ვაჟკაცობაზე დებენ თავს . მეუფე პეტრემ სინოდს მიმართა ერთი წლის წინს აღკვეთილიყო დაბალ იერარქთა უტიფრობა და ცილისმწამებლური განცხადებები, რასაც დღემდე ველოდებით საეკლესიო სამართლის ნორმებით. დეკანოზმა შალვა კეკელიამ უმჯობესია ჯერ ჭორვილის მონასტრის ე. წ. ,,ინციდენტს'' გასცეს პასუხი და ასევე გაიხსენოს პატრიარქთან მომხდარი უხერხულობა, რომელსაც კარგა ხანს თავად ჭორაობდა და მერე დასვას შეკითხვები. პირველ დღეს, 20 ივნისის საღამოს მე თვითონ ვიდექი ქაშვეთთან და ტაძარი დაკეტილი იყო, ადგილობრივ მღვდელს (დეკანოზ ელიზბარს) რომ ვკითხეთ რატომ? მან თქვა, რომ საშიშროება იყო ვინმეს არ გაექურდაო! მატყუარა და მზაკვარი ადამიანები ცდილობენ საკუთარი შეცდომა სიცრუით გადაფარონ. სიმართლე და სიცრუე არ იზომება სიტყვებით, ეს უფრო ცხოვრების წესია, რითაც ჩანს ადამიანის ბუნება. კეკელიას თავხედობას დიდი ხანია ვაკვირდებით, ის ნებისმიერ ურჯულო დავალებას შეასრულებს, რადგან არ არსებობს მორალი და ეთიკა მის ცხოვრებაში. სანამ სინოდი შეიკრიბება და საეკლესიო კანონებით იმსჯელებს მას აქვს მინიჭებული სიცრუის თავისუფლება, მაგრამ მოუწევს სიმართლის უღელი დაიდგას უპრინციპო თავზე. შევარდნაძის რეჟიმის გამმართლებელი ადამამიანები საუბრობენ სიმართლეზე, ცოტა უხერხულია! სულიერი აშლილობა და ავადმყოფობა იმდენად ძნელად საკურნებელია, მას ფსიქიატრიაც ვერ უმკლავდება, როგორც ონკოლოგია კიბოს სნეულებებს. სულიერი ავადმყოფობა- ეს ოცდამეერთე საუკუნის ჭირია, რაც კეკელიასნაირთა განცხადებით უფრო აშკარად შესამჩნევი ხდება. თუკი შუა საუკუნეებში შავი ჭირის ეპიდემიის დროს ქუჩებში დაუმარხავი გვამები ეყარა, რომლებთან მიახლოება ეშინოდათ, ჩვენს დროში, თბილისის ქუცებში სიგიჟის ჟინით დაავადებულნი თავისუფლად გადაადგილდებიან და ინტერვიუსაც აძლევენ. სიმართლის ძალას ვერანაირი დეზინფორმაციითა და ცილისწამებით ვერ გადაფარავთ! ჭყონდიდელ მიტროპოლიტ პეტრეს კი სხვებისგან განსხვავებით პასუხგაუცემელი შეკითხვები არასდროს ჰქონია და ღვთის წყალობით არც ექნება... უფალი მეფობს!" - წერს მღვდელმონაზონი ანდრია სარია სოციალურ ქსელში.

ცნობისთვის, ჭყონდიდელმა მიტროპოლიტმა, მეუფე პეტრემ განაცხადა, რომ 20 ივნისის ღამეს, რუსთაველის გამზირზე, აქციის მონაწილეების დაშლის დროს, ქაშვეთის ტაძარი დაკეტილი იყო.

მეუფე პეტრეს ამ განცხადების გამო დეკანოზმა შალვა კეკელიამ ცრუ და პატრიარქის მოწინააღმდეგე უწოდა და განაცხადა, რომ 20 ივნისის საღამოს ქაშვეთში თავად ატარებდა პარაკლისს მომიტინგეებთან და პოლიციელებთან ერთად.