სისხლიანი ღამე რუსთაველზე - ალადაშვილის კლინიკაში მოთავსებული 50 წლამდე მამაკაცის მდგომარეობა მძიმეა. პაციენტი კლინიკაში გუშინ 04:00 საათზე შეიყვანეს და რეანიმაციულ განყოფილებაში მართვით სუნთქვაზე იმყოფება.

კლინიკის რეანიმაციული განყოფილების ხელმძღვანელის, ლევან ბესელიას განცხადებით, ამ დრომდე ვერ ხერხდება მამაკაცის იდენტიფიცირება.

„უცნობი მამაკაცის მდგომარეობა არის მძიმე. იყო თავის ტვინის ტრავმა. პაციენტს ჩაუტარდა ნეიროქირურგიული ოპერაცია, ჰემატომის ევაკუაცია. ამ ეტაპზე მკურნალობა გრძელდება რეანიმაციულ განყოფილებაში. სტაბილიზაცია მიღწეულია. მართვით სუნთქვაზე იმყოფება.

სიცოცხლისთვის შეუთავსებელი დაზიანება არ არის, თუმცა არის ძალიან მძიმე ტრავმა, რომელიც საჭიროებს ხანგრძლივ მკურნალობას. ამ ეტაპზე მისი იდენტიფიცირება ვერ ხდება. პაციენტი იმყოფება პოსტნარკოზულ პერიოდში. ამ ეტაპზე კომატოზური არის თუ არა მდგომარეობა, მისი შეფასება სრულყოფილად შეუძლებელია. გამოიწვია თუ არა დაზიანება რეზინის ტყვიამ, ვერც ამის იდენტიფიცირება ვერ ხდება ამ ეტაპზე. ამოღებულია მასალა, რომელიც ექსპერტიზაზეა გადაგზავნილი. პაციენტი შემოიყვანეს წუხელ 04:00 საათზე”, -განაცხადა ლევან ბესელიამ.